السلام عليكم وشخباركم
انا قلت محد بيساعدني عقب الله الي بنات المنتدى فلو سمحتوا ياحبايبي تساعدوني بأفكاركم الجهنمية
انا عندي عزيمة غدا يوم الجمعة يعني عقب صلاة الجمعة وهذي اول مرة تستويلي عزيمة غدا فما أدري متى أحط القهوة وملحقاتها قبل الغدا ولا بعد الغدا
اذا حطيتها قبل الغدا فالناس مابيتغدون واصلا هم بيوون متأخرين يعني يدوب على الغدا
وياريت تعطوني بعض الافكار المتميزة لتقديم القهوة لاني أريد اكون متميزة هل المرة
ولكم جزيل الشكر والتقدير وياريت تجاوبون بسرعة
هلا ختيه سمحيلي بخبرج باللي صار وياي
انا الاسبوع اللي طاف جانت عندي عزيمه واول مره اسويها بروحي هههههه المهم
اول ما يوا الظيوف حطينا الفواله حقهم والقهوه وعقب ترينا شوي وعقب غديناهم وعقبها حطينالهم حلوو مع الجاي والعصير وبعدين دخنتهم وعطرتهم وجذا
بس بعد في ناس تحط الغدا مع الفواله سوا بنفس الوقت وخلاف تحط الحلوو وجذه
والسموحه
اول شي جهزي المكان اللي بيسون فيه عدليه ودخنيه وبعدين جهزي دله القهوة والشاااي وخليهم جاهزين ولا تنسين الماااي بعد.
وعقب ما ايون حطي لهم الغدا ويا الفواكه او البرتقال بس
وبعد الغد حطي الحلاوه
واذا بقيتي ادخنينهم بعد زين .
وتسلمييين
برايي أنا اتجهزين الشاي والقهوه(او العصير إذا حابه) في البدايه وأتقدمينه ……………وبعدين أتحطيلهم الغداء (لأن يوم الجمعه والناس ييايين من الصلاه يعني ماشي وقت حق لفاله في البدايه ……….بعد الغداء أتحطين الحلاوه مع لفاله…….وهذا رايي لأن هذا اللي دوم نحنه انسويه وماشاله بيتنا دايما عزايم
هلا والله ..
أصلاً ماشي وقت حق الفواله قبل .. بعد الغدا حطي الحلويات مع القهوة .. وبالعافية ..
اشكركم على الرد وياريت بعد تفيدوني زيادة
طماعة!!!!!!
مرحبا يالغاليات أنا من راي أنج أول شي يتغدون وبعد الغد بساعه أو ساعه ونص تحطين الفواله والقهوةوتبخرينهم وتعطرينهم لان إذا بتمكسين الفواله ويالغدا بيكون ماشي ترتيب ومابيكلون الفواله بيكونون شبعانين وأصلاً الجسم مايستفيد من الفواكه إذا المعده ممتلىء بالاكل
والسموحه