مراحب أمورات ….
فتحت الموضوع للحريــم اللي عندهم خلل في الغده الدرقيـــة ومسبب لهن تأخيــــر في الحمــــل
كل وحده تخبرنا عن تجربتها وشو سوت وشو تاخذ من أدويـــة ..
و اذا في تجارب … وتابعت العلاج وصار حمـــل تفيدنـــا بتجربتها ….
الله يرزق كل وحده الذريــــة الصالحه المعافاة … يارب
محبتكمـ العمـر
الله يشفي ويرزق الجميع…..ماعندي معلومات وماعرف اصلا عنه 
أنا عندي الغدة الدرقية قبل الزواج بس الحمدلله عندي ماشاء الله ولديين والحمدلله
بس عندي الغدة الدرقية منخفضة يعني الهرمونات نازله وأخذ أدويه الحمدلله
الله يشفي الجميع ويرزقج بالذرية الصالحة
انا عندي خلل في الغده يعني خمول
بس بعدني موب معرسه
لي عودة ان شاء الله .. لأني اعاني منها :*_*:
انا عندى الغدة الدرقية ومسوية لى مشاكل ضربات سريعة فى القلب وتساقط فى الشعر وعصبية واخيرا صار عندى جحوظ فى العين لانها سريعة تعالجت اول شى عطونى اليود المشع علشان يوقف نشاط الغدة اللة يكفيكم الشر وبعدين عطونى الكرتيزون وعطونى الثيروكسين كل يوم على الريق اخذ حبة طول العمر بس وايد تعبت وعانيت من الغدة وانا يايبة عيال بس الحمد اللة ياتنى الغدة عقب ما يبت عيالى واللحين خلاص ما افكر اييب شى لانى تعبانة من الغدة بس ابتديت اخف اشوى اشوى لانة اليود المشع تبين نتيجتة فى العلاج بعد السنتين او ثلاث سنوات وانا من خذتة صار لى سنتين
انا كان عندي خمول في الغده الدرقيه لكن ما اعرف في اي منتدى قريت عن القسط الهندي انه مفيد وايد للغده وجربته والحمدالله كل الاعراض اللي كانت عندي راحت خف تساقط شعري وقبل كنت ما اتحل البروده وادوره انتظمت عندي وااااااايد ….. انصحطم فيه لكن الله ايعينكم على طعمه وريحته انا مارمت الها فحطيته في العسل وسويته مثل الكبسولات وبعد حطيته في الحلاوه عشان ما احس بطعمه
والله يعافيكم ان شاء الله