سلام عليكم
خواتي حبيت اسأل يوم الوحده تكون مربيه وعندها بيبي صغير
الافضل تنام مع زوجها والبيبي في غرفه وحده
ولا الزوج في غرفه والزوجه والبيبي في غرفه ثانيه عشان ما يزعج البيبي الاب
وليش؟؟؟؟؟؟؟
خلونا نتناقش ونشوف الاراء والاسباب
يقولون من عمر 6 اشهر تعودين البيبي ينام في غرفته !!!
بس اشوف هالشي صعب وخاصه انه بعده بيرضع فالليل ,,,, عادي يتم في الغرفه خل الاب يشعر بتعب الام شوي 
يله بيلس بالحجره يقول المثل بعيد عن المخده بعيد عن الموده
واذا صاح اليهال شوه بقوم الابواء يرظعه لا طبعن بكون يشخر باخر نومه وحليلها الام تقوم ترظع
وينام الياهل
مستحيل انا ضد هالفكرة اخلي بعيد بعيد عني .. ما اقدر .. انا اذا اطلع اخليها عند امي اشوي .. اقعد احاتيها بكيف طول الليل تتهقين بيغمض لي جفن ما بقدر…
وان شاء الله بعد ما تكبر تقريبا سنتين بخليها عند يدتها بس غرفة بروحها نو ويييي يمكن تقوم تبغي شيء اتصيح منو بيسمعهااا …
والسموحه حبيبتي هذا رااايي؟..
أنا من رأيي ينامون ثلاثتهم في غرفة واحدة , و لما يكبر البيبي شوي يخلونه في غرفة خاصة به , بس تكون قريبة وايد من غرفة الام و الاب , عشان يحسون بالبيبي اذا قام من نومه في الليل , أو يحطون جهاز الانذار مال الاطفال عشان يسمعون البيبي زين
طبعا كلنا مع بعض غرفة وحدة لاتعودين الريال يكون بعيد عن مسؤولية البيبي خليه يحس أنه أب
إذا تعود الريال ينام بغرفة بروحه مشكلة مابيتحمل أي شي منكم ولا بيشرد علطول لغرفته
هذا الياهل الي عندج اياه ولدة ولا شو لازم يتعود وان خليتية بعيد عنه ما بيحس فيه