الموضوع للحوامل فقط
يوم قلت ملكات الكرشة = اقصد الحوامل ما اعلق عليكم تراني منكم و فيكم 
ما نبغي نرمس عن النفاس لان الكل يتجهز للنفاس كانه عرس
وناسين فترة الحمل 
اللي تتجمع فيها كل المصايب من زيادة وزن و سيوليت و خطوط و اسمرار البشرة …………….الخ
بما ان الحوامل عيزانات و كسلانات و البعض منسدحات شراتي حاليا
<<كفاية علينا شغل البيت و الريل و العيال و البعض منكم الشغل
كيف تهتمون بنفسكم؟
شو تسوون ؟ عندكم روتين معين للعناية بالجسم و البشرة؟
هل تسون حمام مغربي او تيلسون 5 دقايق تحت البخار بس ؟
هل تسون سوالف ثانية كريمات عناية فيشل مساج ؟
تصبغون شعوركم بمواد ما تضر
مثل الصبغات الحالية اللي يقولون انها خالية من الامونيا ؟
( عاد انا جربتها و بالفعل ممتازة بس غالية شوي دبل السعر للصبغات العادية )
هل تمارسون رياضة معينة سباحة يوغا مشي خفيف؟
شو الاشياء اللي تستخدمونها بالتفصيل و طبيعة مشاكل بشرتكم ؟
طيب وين و بكم و كيف و ليش و لمازا يا فندم
يالله فضفضوا و خبرونا شو تخربطون بويهكم و جسمكم في الوقت الحالي
نبدأ بسم الله لأول كروشة
حرام عليكم ولا وحدة تشارك
زعلتوني
ماشاالله عليج موضوعج حبيته واتمنى التفاعل
صباح الخييييييرات
ليش غنااااااتي الرقااااد مخلي حد يروم يقوم يغسل ويهه ههههههههه
الله يعينا بس
انا اتسبح بماي دافي وما اتحكك وااايد لان استخدام الليفه يسبب تمزق في الجلد يزيد الخطوط خصوصا في هالفترة
ادهن جسمي بزيت بيبي جونسن و فليل احط كريم عجسمي
ويههي اسويله سكراب مره في الاسبوع بشرتيه زينه الحمد لله
لاني اشرب مااااي وااايد
استخدم واقي شمس يوم اطلع
وبس
عن نفسي ناوية ان شاء الله هالحمل أكون غير اهتم في عمري
من اكل صحي
ابعد عن العصبية
أدهن جسمي بكريمات و زيوت بعد كل حمام
امشي
وبنسبة لشعري بس أحنيه و ممكن في بعض الأحيان زيوت
بس هذا الي اذكره حاليا
الموووضووووع ع الجرح
كنت ناوية افتح موضوع من هالقبيل
الحمل و ماادراك ما الحمل
جميع انواع الدمار تصيب جسمي خطوط وتصبغات وجفاف والوزن الزايد
ومشكلتي الكبيرة والعظيمة الكسل 
الحمد الله عندي جدول صغير
غسول خاص للبشرة الدهنية + سكراب للويه من كراسيل
( يخفف من الدهون و يمنع تكون الحبوب) استخدمهم مرتين في اليوم
الماسكات ( ماسك الطين – ماسك النيم من همالايا – ماسكات محل لاش- روب مع سدر )
مرتين اسبوعيا
لشعري استخدم زيت مرة اسبوعيا ( فاتيكا اللي بدون ريحة )
لعلاج البشرة : ناوية اسوي تقشير كرستالي و الماسي و استخدم ديرمارولر
شاورت دكتورتي قالت ما يضرون دام ما فيهم كورتيزون او مواد كيمائية
للجسم : ابغي اسوي حمام مغربي بس متعايزة هههههههههههه ابغي حد يقلصني
مرة سرت الصالون و اجوف الحوامل يسون بس الحرمة تكون حريصة عليهم
يعني بخار خفيف و الحركات تكون بصورة ما تضر يعني تفرك الريل و اليد و بصورة بسيطة الظهر و البطن يعني بطريقة خفيفة و هادية
امسات سويت فيشل مع مساج بس اللهم سوت لي رقبتي و ايدي و ريلي فقط
تعمدت ما اقولها اني حامل لان لو قلت لها بتخاف هههههههههههههههه
عقب قالت لي عادي مدام نحن نسوي للحوامل اصلا
هذا في نادي الفتيات في الشارجة عندهم وحدة تسوي للحوامل
الرياضة : والله احاول امشي في البيت و الدوام
بس في خاطري اروح المسبح و اخذ يوغا بس ها العيازة ياربي 