السلام عليكم ورحمه الله وبركاته
شحالكن خواتي؟
بنات انا محتاره و تعبت من التفكير
ماشاءالله انا انخطبت ولله الحمد
ادري اني استبق الاحداث بس قاعدة افكر
انا حاليا اشتغل
وشغلي طويل نوعا ما
بصراحه ما افكر اشتغل بعد الزواج
لانه الي متقدم لي ما بيقصر معايه …ليش اشتغل؟؟
احس انه وقتي بيروح على الدوام وارد هلكانه مالي بارض
هذا وانا مب معرسه والله العظيم ما احصل وقت اسوي شي..وين لو عرست؟
احس ماشي وقت لشي ابد!! ما ادري كيف المعرسات الي يشتغلن يحصلون وقت يهتمن بعمرهن و الطلعات و التسوق و الاهتمام بالزوج كوم ثاني
عندي هواياتي واحس هالشي بيشغلني لو عرست وريلي كان في الشغل
بالاضافه لاني اريد اكمل ماستر ..احس الدراسه وهواياتي بتشغلني..
وبعدين حاليا ابتديت مشروع اشتغل في البيت بالاضافه لدوامي
ما ادري والله ………
انا يلست في البيت سنين بعد ما اتخرجت ..صح كرهت القعدة لكن كنت وايد اشغل وقتي بهواياتي وقران وعبادات واهتمام ورياضة ..يعني نادرا اكون ملانه!!
اعرف نفسي..لو شي يديد علي ما اعرف اركز على شيئين..احتاج اتاقلم اول على حياتي اليديده وعقب ما اتعود وتترتب اموري يمكن اروم اشتغل عقب
بس بداية الزواج ما اقدر احس بكون احاول اتكيف مع حياتي اليديده ……
شو رايكم خواتي ؟؟ 
عليج بالاستخارة الغلا
مبروووك حبيبتي وربي يتمم لج على خير
انا كنت اشتغل وطلعت عسب حياتي اليديده طبعا
لانه بصراحه حسيت اني لازم اهتم بكل شي
بس الزواج ما منعني اني اكمل دراستي والتهي بهواياتي في وقت غياب زوجي
مع اني انسانه احب العمل
بس ما ادري احس بيتي اولى ^_^
صلي استخارة
وان شاء الله ربي بيسهل لج كل شي
ربي يوفقج لما فيه خير اختيه
ربي يوفقج لما فيه خير اختيه
الله يوفقج ان شا الله
من رايي انج ما تطلعين من الشغل من البداية وجربي الشغل مع الزواج لو حسيتي تقدرين اتمشين حياتج كان بها حسيتي ما تقدرين صلي استخاره واطلعي
وفي كل الاحوال بعد الزواج بتعرفين زوجج وطبعه وشو اريح لج وله
أنا بعد من رايي انج ما تطلعين من الدوام على طول
جربي اول وشوفي راي ريلج وشوفي اذا انتي قادره توفقين بين البيت والدوام ولا لاء
وعليج بالاستخاره