السلام عليكم ورحمه الله وبركاته
شحالكم خواتـــي إن شاء الله بخير
اولا انا عندي تكيس في المبيضين
والدكتور اشرف اللي في مركز إنجاب
واهو كثير شاطر حسب ما مدحتلي ياه وحد
قالي عندج طريقتين يا تسوين
عمليه كي للمبايض
يا تستمرين ع الجلوكوفاج 6 شهور
وانا بصراحه صارلي ثمان سنوات متزوجه وحملت مرتين
بس بكل مره اجهض وما اعرف السبب
واهو يقولي انه بسبه التكيس
بس اللي اباه يا بنات اللي تعرف شئ عن الدكتور
وخبرته تخبرني
اما انا عن نفسي ارتحتله لأنه كان صريح معاي
وما لف ولا دار بهالموضوع
بليز يا بنات ساعدوني
في هالموضوع واللي تعرف شئ عن العمليه تخبرني
ويزاكم الله خير
والله يرزق جميع الخوات يارب بالذريه الصالحه
انشاء الله البنات يفيدنج ^^
مشكوره يختيه ع مرورج والله يرزق اليميع
وعليكم السلام ورحمة الله وبركاته
عزيزتي انتي قرري واستخيري
انا اعرف وحده مب منتظمه الدوره وسوت المنظار شي جيه شلت التكيسات عادي بسيطه العمليه
والحين انتظمت عندها الدوره بس اختي مب زين لو كنتي تنكشفين عند ريال مب زين عزيزتي
وحده شاطره دكتوره ماريانا في الامير الطبي وايد تعالجوا عندها وبعدين الي فيهم تكيس يجهضون لازم تاخذين تثبيت عرفتي
والله يختي خذت تثبيت حبوب وابر بس ما نفع معاي
وبالنسبه للدكتور ما رحتله الا لما مدحوه لي ومو بيدي
والله ودي احمل
بصراحه كل الدكتورات اللي راجعتهم ما كانو صريحات معاي
ودكتوره ماريانا في الامير الطبي ………..> وين هاي بالضبط
الله يشفيج ان شالله وانا ربيعتي اتعاني من نفس المرض وتعالج في توام وصارلها فتره
وقالتلي انها تعبت خلاص من محاولات الانجاب وبتسوي كي
الله يرزقكم انشالله بذريه الصالحه ويهدي سركم وتشوفون عيالكم يارب
وبعدين المرض والعلاج مانه حرج والانسان المضطر بيعالج سوء عند دكتوره او دكتور
سهل اننا انقول حرام بس للاسف مانعرف معانات الشخص الثاني
مشكوره اختي ويزاج الله خير
بس عن جد والله العالم بحالتي تعبت نفسيا من العلاج
والدكتوره هذي في بوظبي وانا من المناطق الشرقيه
يعني صعب اني اقدر اروح بوظبي وارجع للمراجعات
شهريا ما اضمن زوجي يكون عندي
وانا مو صغيره يختي والله كريم
بس صج ابي دكتور او دكتوره شاطره في هالمجال
لأنه العمليه ع سهولتها إلا انها خطيره يعني تحتاج متمرس في هالمجال