انا بإذن الله قررت أسوي قص معدة(سليف) يوم الجمعة 29/11 عند د عبد السلام الطائي بمدكير وحدي خايفة ومتوترة.
بليز بنات محتاجة دعمكن . صليت استخارة أكثر من مرة و أهلي يشجعوني عالعملية بس وايد احاتي سالفة التسريب او اي مضاعفات ممكن تصير وياي . ياريت الي عندها تجربة سابقة او اي معلومة طمني فيها ولي ماتعرف شي ياريت دعوة حلوة أني أقوم بالسلامة ورد لاهلي وعيالي من دون اي مشاكل
ولا تقولولي سوي دايت ورياضة ترى لي سبع سنوات أسوي كل أنواع الدايت وما شي فايدة وسنة عن سنة وزني يزيد لين وصلت 136 !!!
بليز بنات شجعوني وطمنوني وايد محتاجة دعمكن وبأذن الله عقب العملية لو قمت بالسلامة بكتب لكم قصتي من البداية.
السلام عليكم ورحمة الله وبركاته. هلا اختي. تبين الصراحة الدكتور عبد السلام مشاء الله عليه شاطر وايد يمدحونه. ونا اعرف بنات مسوين مشاء الله عليهم صج صج ضعفو من عقب العملية. اختي توكلي على الله
الله ييسر امورج ان شاء الله
حبيبتي اكسري حاجز الخوف منج وتوكلي على الله
خويتي سوتها ماشاءالله عليها تقولين غصن بان رشيقه وجسمها متناسق
واعرف وحده بعد سوتها بس جلدها ترهل والحين تبي تسوي عمليه حق الجلد الانها كثير متينه
بس انتي مدامك استخرتي ورتحتي خلص توكلي على الله
والله يقومك بالسلامه ان شاءالله وتردين لبيتك وعيالك
تخيلي لما تنحفين تروحين للسوق تشترين وانتي مغمضه من دون ماتشوفين المقااس ااااه والله شعور حلوو
وتمشين وااانتي وااثقه من نفسك
حبيبتي خلي تفكيرك ااايجابي وااكسري حاجز الخوف
دمتي بووود
توكلي على الله،،، و الله يسهل عليج و يردج لأهلج بصحة و سلامة،،،
أولا الصحة أهم شيء وزيادة الوزن من أكبر أمراض العصر
وكونك أستخرتي توكلي علي الله
لكن لزم تحطي ببالك النفسية عامل مهم جدااااا لآن آي عملية بالدنيا فيها أوجاع بعد العملية هي مش قلعة شوكة
والآهم تكوني عندك روح ونفسية عالية لآنك سوف تمري بمراحل طويلة عقب العملية خاصة بأول أسبوعين من العملية
لي صديقة عملتها من شهر عند نفس الدكتور ومتواصلة معنا علي جروب علي الواتس اب وندعمها دومممم
أول أسبوعين كانت تعبانة وتأتيها حلات بكاء وضعف لكن كنا نخفف عليها وأن تتحمل وتصبر الحين وضعها أفضل ودخلت بمرحلة الآكل المهروس
الله يوفقك وتقومي بسلامة ويكتب لك الخير