كيف حالكم يابنات
بنات انا اريد اسوي عملية ليزك في عيوني
اللي سوت العمليه خبريني كيف العمليه وشو لازم تسوين بعد العمليه والنصايح
وانا اريد اسويها في مستشفى حكوميه
انصحوني شو احسن مستشفى
لاني خايفه شوي
واسمووووووووحه
انا بعد ابي اسويها وطلبت هالطلب لكن محد رد علي إذا حصلت معلومات او أنتي حصلتي معلومات ياريت افيديج وتفيديني وموفقة
ماذكر أنه المستشفيات الحكوميه تسويها وماظن يسوونها .. لأنها عملية تصحيح نظر وأظن يعتبرونها جماليه "يعني مب ضرورية إلا في حالات خاصة" .. لأنه الواحد يقدر يلبس نظاره .. بدالها ..
في مستشفى واحد بس يسيروله اللي في الجيش في بوظبي ويسويها حق العسكرييين وعوايلهم ..
الهم .. اختي سوتها في الهند بس هاذي عمليه غير .. يعني لفوا عيونها وسوالف .. وومنوع جحال سنه .. وخربطان ..
بس ربيعتي سوتها في المستشفى البريطاني .. ووحده ثانيه سوتها في المغربي .. ووحده من الأهل بعد سوتها في البريطاني .. وكلهم في دبي ..
ونا إذا الله راد بعد بسويها في البريطاني .. اللي في جميرا .. وايد مدحولي إياه .
الغاليه مافيها خوف إن شاء الله وماتاخذ وقت حتى .. 
كل اللي فيها اسبوع ممنوع تطالعين التلفزيون وشاشة الكمبيوتر .. وبتلبسين نظاره شمسيه وين ماتسيرين
وعقبها خلاص ..
وعشان تتأكدين أكثر .. أول شاوري دكتور العيون اللي تسيرين له .. هو بيقولج وين وبيقولج شو اللي بيستوي
مب أحسن ؟!!! ..
انتي أول شي جفتي دكتور عيون وقالج سويها ؟ لأنه مب كل حد ينصحونه يسويها ..
يعني أنا سنتين ونا أتراد على دكتور العيون .. الحين قالي أقدر أسويها ..
مثل ماقالت لج الاخت لازم تسالين كتور متخصص بهالشي
وانا بعد ابي اسويها ان شاء الله
^_^
موفقه
للرفع
تسلمووون ع ردودكم
انا قلت بستشيركم اول لان بعدني مارحت المستشفى لكن نظري وااااايد خفيف
وفي حد خبرني انه مستفى دبي يسوون هالعمليه
والله مادري عقب كم يوم بروح مستشفى دبي وبشوف
اشكر لكم ردودكم