حبيت اشكلي معاناتي لكم بعد رب العالمين انا جامعية طاف عمري فوق الثلاثين وانا ادور وظيفة من 7 سنوات وصارت عندي دفتر من الشهادات والدورات اللي خضيتها ومن الخبرات اللي تكفيني من العمل في مراكز خاصة حاولت ابني مستقبلي بوظيفة تامن لي مستقبلي وبعيد عن اهلي لكن ضاع عمري وانا ادور في المنطقة الشرقية وانا مو لاقيه حاولت اطلع برع المنطقة الشرقية عسب ادور وظيفة لكن كيف لا عندي سكن ولا مأوى ولا شى يسهل لي الطريق عسب اتوظف برع منطقتي تعبت نفسيا وحتى اهلي ما يساعدوا ولا يشجعون الواحد انه يتوظف فكيف برع البلاد
فما اعرف شو اسوي دبروني وعطوني رايكم بعد ما انقفلت الابواب وانسدت كل الطرق جدامي كيف احاول ابني مستقبلي ووحده مثلي تعدت الثلاثين ما باقي شى من العمر وباجر بيقولون لنا خلاص عمرج طاف ما نقبلج باي وظيفة لا حتى ريل و لاسند في هالدنيا الظالمة
ما عندي غير اقول لا حول ولا قوة الابالله قررت اني اطلع برع الكهف اللي انا عايشه فيه واطلع للدنيا واتعرف على ناس وادور لي وظيفة سنعه تخليني اطلع من سيطرة اهلي ومن تحكم اللي بيضيع عمري اكثر من جي ……
الله يعينك حبيبتي حاولي تتوظفين في امارة قريبة من منطقتكم او في مدرسة و ممكن تروحي و تردي مع حرمة توصلك و ترجعك لين ما تدبرين امورك
بس زي ما قلتي لازم تطلعين من الكهف اللي انتي فيه حتى لو تتطوعي في مركز تحفيظ قران او مكتبة عامة او جمعية خيرية و بعدها بيوظفوكي
اختي لا عمر طاف ولا شي
اعرف بنت متوظفه في المستشفى وعمرها 35 سنه
عادي يعني بس يعتمد طبعا على الخبرات والدراسه بس
مرة قريت قصة وحده توظفت وهي بالاربعين
يعني عادي الموضوع
بس انتي عشان خايف والعمر له عامله خاصة عندنا العرب فتخافين
والوظيفه اكل عيش اختي مب شي ثاني يوم رزقك بيكي الامور بتمشي
الناس لو عندها خبرات اذا ماتاخذ راتب ماتنفع الخبره يعني شو الفايده!!!
ياما ناس عندهم خبرات وجي وبعدين مافادتهم
مرة في وحده عندها ماجستير تعينت 1500 درهم في مدرسة !!!!!!!!!!!
عادي
اعرف بنات اشتغلن من بعد ماتخرجنا وكل وحده خذت خبره يمكن سبع سنوات الحين واخرها تفنشن من العمل يريدون يغيرون الستف بستف يديد
والحين عمارهن وصلت ثلاثين وبعدين شو فايده شغلهن القديم والخبره غير يمكن المستحقات
وفي ناس يشتغلون بس كل يوم مشاكل في العمل يعني الشغل مب ماشي
حتى في وحده تحاول تدور مشروع عشان تقول دوم ان الوظيفه مب دايمه لازم ادور لي دخل غير!!!!!
انا مثلك احس بس كل واحد وحظه
حاولي تدورين مكان خارج منطقتك باي صورة
الله يوفقج اختي توكلي على الرحمن تمام التوكل
وربج كريم والدنيا مب ظالمة هذا قضاء الله وقدرة
متى ما اراد شيئا ان يقول له كن فيكون
الله يكتب لج الخير ياااارب ويرزقج الوظيفة والريل الصالح مرة وحدة يااااارب يا كريم
اختي الحين تلقين بنات الشارجة يشتغلون في دبي وبنات العين في ابوظبي وبنات راك في الفجيرة.. احيانا صعب تحصلين وظيفة مفصلة بالراتب الفلاني عدال بيتنا تناسب تخصصي.. الحين الواحد يدور مجال يبدع فيه بغض النظر عن دراسته..
حاولي تاخذين خبرات في الشي اللي تميلين له..
الحين كل حد يبدأ لغة وخبرة كمبيوتر .. فحاولي تجمعين خبرات حق ملفج
والحين الحمدالله يزيدون في التوطين فان شاء الله وضايف وايد بتستوي شاغرة حق عيال البلاد
اذا عندج مهارة او تجارة ابداي فيها.. والحين وايد جهات تدعم التجارة المحلية والإبداع
اذا عندكم مراكز اطفال- مسنين- مكتبة او حتى مستشفيات اطلبي تدريب.. عشان يشوفون شغلج ونشاطج فيشغلونج..
ولا تقدمين مرة وحدة وتقولين خلاص ما قبلوني.. طرشي لهم كل يوم وفي كل فرصة عشان يثبت اسمج عندهم ..
روحي معارض التوظيف والحين يسوونها في كل امارة.. قدمي في كل المجالات وشوفي نصيبج وين.. وحتى لو حطوج في امارة ثانية اقبلي ودوري حد حواليج عنده نفس ظروفج عشان التوصيل او السكن.. هالامور احيانا ما تطول.. ثبتي نفسح في مكان وبعدين تنتقلين
ردي كان طويل بس حبيت أضيف.. الشغل رزق ويباله سعي وصبر.. وطبعا اول شي تتوكلين على الله وتدعين له يفتح عليج،.، الله ييسر عليج ويرزقج من فضله
المشاركة الأصلية كتبت بواسطة أدور حل 
حاولي تاخذين خبرات في الشي اللي تميلين له..
الحين كل حد يبدأ لغة وخبرة كمبيوتر .. فحاولي تجمعين خبرات حق ملفج
والحين الحمدالله يزيدون في التوطين فان شاء الله وضايف وايد بتستوي شاغرة حق عيال البلاد
اذا عندج مهارة او تجارة ابداي فيها.. والحين وايد جهات تدعم التجارة المحلية والإبداع
اذا عندكم مراكز اطفال- مسنين- مكتبة او حتى مستشفيات اطلبي تدريب.. عشان يشوفون شغلج ونشاطج فيشغلونج..
ولا تقدمين مرة وحدة وتقولين خلاص ما قبلوني.. طرشي لهم كل يوم وفي كل فرصة عشان يثبت اسمج عندهم ..
روحي معارض التوظيف والحين يسوونها في كل امارة.. قدمي في كل المجالات وشوفي نصيبج وين.. وحتى لو حطوج في امارة ثانية اقبلي ودوري حد حواليج عنده نفس ظروفج عشان التوصيل او السكن.. هالامور احيانا ما تطول.. ثبتي نفسح في مكان وبعدين تنتقلين
انا مع الاخت
انا مع طرحي السابق قصدي انها ارزاق يعني مهما كان عندك خبره يعني عادي ماتعرفين نهاية المطاف شو
بس اعرف وايد ناس لقوا اشغال برع العين (لاني من العين)ماشاء الله وشتغلوا وجي عرفتي علي
وماعندهم شهادات وجي عادي مدرسة ويمكن سرعة بديهه وجي حتى يمكن لغات مافي
يعني ارزاق
بس دوري في منطقه ثانية
وعلى فكره حاولي تطلعين ليسن
بعد فكره تتعلمين تسوقين!