السَلآمٌ عليكٌم ورحمِة الله ،
هممم والله مترددَه احط هالموضوع ولآ لآء ؟!
بس بالاخيرَ قلت بحطه ويمكِن الله يكتب لي الخير منه
انآ الله يسلمكم هالسنه بتكون آخر سنه لي فالمدرسه يعني ثآنويه عامهَ . .
ودرست ثآني ثانوي بعلميَ صح نسبتي كانت حلوه بس سنه متعبه يعني المواد كانت صعبه
حبتين وتعبنا وخاصه الفيزيـآ والاحيـآ حفظ واصلآ مب فاهمات شي من الشرح فتعقدناَ ><
وع البلاويَ اللي صآرت لبنآت علمي هالسنـ ه قلت بفكر يمكن احولَ [ادبي] وارتآح ومنه
اييب نسبه اعلى عن العلميَ اللي تعبوا من قرارات الوزاره وايدَ هالسنـ ه
صليت استخاره من بداية الاجازه وليومكم هذآ اصلي 
مادري كيف بس ارتحت لادبيَ ^.^
بس التفكير ذابحني يا ناسَ ؟! اقول لو سرت ادبي يمكن ربيعاتي اييبون نسب عاليه فعلميَ !
وعقب بتندم بقول يآليتني ما حولت والخَ من هالكلامَ الحلوَ يعنيَ ، ،
واخافَ لو تميت فعلميَ ما يصيرَ شي وتكون نسبنا داون للاسفَ يعنيَ ><
محتآره وانا بينَ نآرينَ وربيَ ،
اميَ عادي عندها اتم ولا احولَ بس توها تقولي فكري زين وجي
احس عمري مضغووووووطه وايد ومب قادره اقرر للحينَ ،
علمي تعب وانآ اعرف اصلآ بس النسبه حتى لو اقل عن ادبي تكون اقوى منه !
بس وربي ماعرف وين اسير الحين اتم ولا احولَ ، ، ؟
يعني كيف الواحد يرتاح لقرارهً اخافَه يكون عكسيَ واخافه يكون زين حقيَ ،
الله يخليكم ابا مشٌورتكمَ هالمره لني جد جد جد محتاااااااااره
شسمَـ ه اخاف حد من اهلي يشوف هالموضوع
حبوبه تبين رايي العلمي احسن من الادبي
صح شوي اسهل بس والله العلمي مطلوب اكثر
انتي فكري بمستقبلج اهم شي … شو التخصص اللي تبينه عقب ما تتخرجين من الثانويه
وجوفي اذا يتطلب علمي والا ادبي
ترا بقولج شي .. تيبين النسبه اللي تدخلج الكليه اللي تبينها وعقب النسبه محد يفتكرر فيها
ودامج استخرتي جربي اسبوع في العلمي واذا ماعيبج حولي ادبي
والله يوفقج
انا اقولج نصيحة وخذيها مني
انا كنت صف عاشر ويبت نسبة حلوة حلوة ولله وعالية وفي التسعين
وكل ابلواتي قالوا لي دشي علمي وانا بعد قلت بدش وجي
انزين والله يسلمج وحدة من اهلي كانت بعد في علمي بس ثالث علمي وكانت اشطر مني حتى ونسبتها عالية اواخر التسعينات المهم
كنت امتحن امتحانات صف عاشر وهي ثانوية عامة
ولله شفتها بعيني وسمعتها تقولي لاتدشين علمي وهي ندمت ندم شديد
تقول الإمتحانات ماادري من وين ييبونها بس مووول مايخصه في الكتاب
وانا تميت افكر وجي عقب دشيت ادبي
والاخصائية والمديرة حاولوا ويايه بس مادشيت علمي
والحمدلله دشيت أدبي وربي النسبة اعلى بعد من صف عاشر ولله الحمد
والحين بسير ثانوية عامة
بس حبيت اقولج المعاناة كيف بتكون
والسموحة وايد طولت
بنوووووته زاااااااايد صدييييييييييقتييي 
ايييه اقولج
برمسج ع المسن
ربي يوفقج الغاليه
ذكرتيني باحلى مرحله
انا من رايي انج تسئلين نفسج انتي شو تبين تدرسين وتتخصصين بعد ما اتخلصين الثانوية في الجامعة
وعلى اساسه سواء كان تخصص لمي ولا ادبي تختارين شو بتدخلين
يعني لو كنتي تتمنين تدرسين هندسة لازم تدخلين علمي
عرفتي شو اقصد
يعني انتي فكري في المدى البعيد
انتي شو تتمنين تتخصصين في الجامعة ؟
والتخصص اللي تبينه شو يحتاج عللمي ولا ادبي
وبعدين اختاري بينهم وشدي حيلج
انا اشوف الادبي اسهل واايد بالحفظ والفهم.. انا كنت ادبي وكنت مرتااحه واايد وربيعاتي فالعلمي يوم الامتحانات يصيحوون ع الاسئله
صح العلمي مطلوب اكثر بس حتى بعد الادبي مطلووب وشي له تخصصات حلوه..
بس حبوبه انتي صليتي استخاره وارتحتي والله يوفقج ان شاءالله