السلام عليكم يا مرحبا بكم يا الغاليات والله وايد ارتاح لما احدر هالمننتدى احسه راقي ومحترم وفيه سوالف تحسسني صج اني يالسه مع خواتي واسولف معاهم ونستفيد من بعض
وخاصه لما احدر هالقسم لاني بعد شهرين بالضبط ان شاء الله راح اودع بيت أهلي واروح لشقتي المتواضعه مع زوجي الغالي الله يحفطهم لي
انا مقبله على الزواج والمسؤوليات وخاصه في ترتيب الشقه بالكامل والنظافه والمسؤؤوليه الكبيره
بغيتكم بس تساعدوني وتعطوني من خبرتكم ومنكم استفيد ان شاء الله
كيف ارتب ملابسي الداخليه وكيف ارتب عباياتي وشيلي وفوطي وتكرمون والجواتي والنعول وقمصان النوم يعني اباكم تساعدوني وتعطوني افكار بكيفية الترتيب وادريبكم ما راح اتقصرون معاي يزاكم الله خير الي معرسه راح تفيدني ان شاء الله والي ما معرسه اتمنى انها تدعيلي
والله يوفق الجميع يا رب
اتمنى تساعدني بأفكاركم المتواضعه في الخاص غالياتي
واشكركم
بسم الله اول شي مبروك
ثاني شي ترتيب الملابس الداخليه في الادراج في الاواعي البلاستيكيه لحفظ الطعام
ثاني شي النعول تعرفي الاوعيه البلاستيكيه كبيره الحجم بو غطاه حطي نعولج داخل اما عن البوت حطي داخل البوت جرايد مطوايه على شكل عمود ويتم البوت ثابت
وقمصان النوم علقيهن في الكبت مع ملابسهن الخاصه
والفوط في كبت الحمام والفوط الصغار حطيهم بسله ولفيهم نفس العمود وحطيهم بشكل مرتب بالسله
ووشو بعد حطي بحمامج فوطه ورش السبراي مال الديتول وعطر الديتول السبراي ومساحه علشان عكب ماتخلصين سبوح تنظفين الحمام وراج وتمسحين الماي وترشين منقي الجو وسلامتكم واي استفسار انا حاضره
الغاليه سيري ايكيا وهناك يتحصلين كبتات خاصه للنعول والملابس الداخليه
مبرووووك الغالية
وهلا بج في عالم المسئوليات
مثل ما قالت الأخت نااعمة في ايكيا بتحصلينهم يبيعون فواصل للأدراج منها قماشية ومنها بلاستيك
القماشية ترومين توزعينهم بالدرج وتخصصينهن للملابس الداخلية
والبلاستيك لأغراضج الثانية من اكسسوارات أو شباصات ومقابض وإللللللخ
وشي عندهم مكاتب رفيعة للشوز، ما تاخذ مساحة وتشل وايد
بالنسبة لتنظيف الشقة إن شاء الله ما بتحتاجين تنظيف قوي لأنكم اثنين بس يعني وانتي قاعدة ويا ريلج حاولي تردين كل شي مكانه لو تغير
وبجيه بس بتحتاجين لكنس ومسح عالسريع واحسن تخصصيلج وقت لتدخين البيت وتعطيره عسب تصير عندج عادة وما تنسين هالشي
الحمام كرمج الله بعد السبوح غسليه وعطريه
والله يوفقج حبيبتي