السلام عليكم
بنات أريد أسألكن عن عدسات النظر شو أحسن نوع واللي مايسبب حساسيه وجفاف للعين خص في الأجواء المغلقه (المكيفه) (وانا أصلا عيوني حساسه وجافه)
ولازم قبل لا نلبسها نستخدم قطره للعيون؟!!
ومنو اللي مجربه جونسون وهي تثبت في العيون ولا لأ؟ لأني من قبل جربت عدسات خفيفه ومريحه للعيون بس مشكلتها دخلت داخل جفني وبالقو طلعتها!!!!!!!!!!
أسهل شي لي ألبس نظاره وخلاص بس عرسي شهر واحد وأريد عدسات حلوه ومريحه مافيني من اول شي أجابل بو الشباب بالنظاره ههههههههههه
ومشكوووووووووورين
جونسن احسن شي
نصيحه لا تستخدمين جونسون مول ما ينفعن
استخدمي ACUVUE
لازم إسم مشكوووره وممكن تذكري مميزات أكثر لجونسن ليش أحسن؟
هلا bent_elbadyah ليش جونسن ماينفعن؟
ووين أحصل ACUVUE؟ وليش أحسن؟
انا من ناحيتي كنت اخاف من العدسات من اللي كنت اسمعه بي كنت انجبر لما كان عدنا عرس واحد من اهليه لبست لأني انجبرت
بس نصيحه استخدمي جونسون ليش انا بخبرج
1. انا استخدم جونسون من 5 سنوات
2.وخواتي استخدمو كل العدسات اليديده وما نفعت معاهم ورجعو يستخدمون جونسون
3. انا عيني حساسه وجونسون لما تركبيها وتحطين شوي من المحلول خلاص تظل ثابته بالعين لي ما تشيلينهم انتي بايدج
4. العدسات الثانيه اليديده خفيفه اذا دخل بالعين اي شيء عادي تنقص لعدسه بعينج
عكس جونسون تظل ثابته لي ما تظهري العدسه من عينج
اتمنى اني نفعتج
السموحه
مشكوره موضاني بس اللي تلبسينها شهريه ولا يوميه وتتحمل معاك طول اليوم ماتحسي عينج تعبت منها ولا صابها جفاف