كنت بس عايزه منكم طريقه مكبوس السمك عشان انا بحبه جدا و الطريقه ضاعت مني
شكرا
للرفع دخلت عسب نفس السؤال طالب علي بو الشباب نفس الطلب ومتوهقه ممكن اصحاب الخبرة يساعدونه ولهم جزيل الشكر
ان شا الله افيدكم بخبرتي المتواضعة…
بعد ما تنظفين السمك تقلينه شوي فالزيت عسب يشد شوي..بعدين تحطين البصل المقطع والثوم واللومي اليابس واذا تحبين طماطم وحده واذا استغنيتي عنها مش مشكله تحطينهم فالجدر عالنار الهادية وفوقهم قطع السمك وتحطين كمية بهار عليهم والملح وتسكرين الغطا وتخلينهم فترة من عشر دقايق لربع ساعه عشان ياخذ السمك نكهة البصل والمطيبات الثانية
..بعدين صبي مقدار الماي اللي بتحتاجينه وخلي المكونات تغلي لين تغلظ المرقة شوي وتتجانس مكوناتها..حطي العيش وكملي طبخه بالطريقة المعتادة..وهني وعافية ان شا الله سمحولي عالاطاله واي استفسار حاضرة..ولكم الاحترام..
شكرا بسمه ان شاء الله هجربه و اقولك النتيجه ايه
مشكوره الغاليه بسمة حزن عالطريقه الحلوه واااااايد اسهل عن الطريقة اللي اتبعتها طبعا قبل ما اشوف طريقتج هذي
بس طريقتي خذتها من النت طلعت نكهتها عجيبه بس العيش طلع هريييييييييييييييس (يريييش) هامور ههههههه بس من اليوع كلناه وحنا خايفين من العظام خخخخخخخخخخخخ
وطبعا بو الشباب ما قصر رفع معنوياتي اشوي خايف ما اطبخله مره ثانيه قالي ان شاء الله المره اليايه بتضبط وياج انا صارلي ثلاث مرات ابتدي بمشروع مجبوس وكله يطلع هريس عطيني حل !!!!!!!!
وان شاء الله باجر بجرب طريقتج بس على ربيان يستوي وله لا ؟؟؟؟
ان شاء الله جريب بحط لج طريقة المجبوس الهامورررررررررر الطريقة بالصورررر ابشريي
وهذي الطريقه السريعه راح تدعين لي لانها لذيذه
الطريقه
حمري البصل مقطع بالزيت تحمير
حطي الطماطم والثوم
حطي الحين الهامورررر لاحظي انا الهاموررر لازم تنظفينه عدل حتى لو جبتيه من السوق منظف
حاولي تمسكين الهامو وتضربين راسه عندخشمه بالمغسله عشان يطلع الوسخ من خشمه
اوهذي نصيحتي عن طبخ الهامووررر
نرجع بعدغسل الهامورر حطيه في القدر وحطي البهارات والليمون الاسود والملح والماجي
صبي الماي الحار في القدر وخليه يطبخ شوي انتبيهي يتقطع الهامور اويذوب من الطبخ
ارفعيه من القدررر
حطي الارزالمغسول والمنقوع في القدر على نار هادئه
عند التقديم اقلي الهامور بالزيت وحطي على الارز بعد ماينضج وعملي له حشوه بصل وبالعافيه
ليش يطلع العيش لين اوهريس عند عمل المجبوس؟؟؟؟؟
نصيحتي هي انج اذا غسلتي الارز حاولي ماتكسرينه بيدك لاتلمسينه بيدك عند الغسيل حركيه باطراف اصابعك عن غسيله
2- نقعيه فتره موطويله
3- اذا حطتي الارزصفيه عن الماي وعلى طول حطي في القدرررر
نصيحه
لاتصفين الارزمن الماي وتتركينه فترره من غير ماي وبعدين تحطينه في القدررر خطا
لانه بذي الطريقه راح ينشف من الهواء وتتكسر حباته الارز … على طول صفيه من الماي المنقوع وحطيه بالقدر
3- حاولي ماتكثرين ماي بالقدررر
4- حاولي يكون في قدر ثاني او غورري ماي حار موجود في حاله نشف الماي من القدرر وحبات الارزمانضجت
5- يعني ينقص الماي ولا يزيد في الكبسه
6- خليه على نار هادئه القدررر بعد ماتتشرب الحبات الارز من ماي الكبسه
7- لاتحركين الارز بالملعقه بالقدر ولا بي ملعقه كبيرره علشان ماتكسر الحبه الارز حركيه بشكوكه كبيره
وتركيه على نار هادئه وبالعافيه
ولاتنسوني بدعاء الصالح