اشحالكن بنات.. حبيت اعرضلكم طلوع ولديه ربي يحفظه..
فالبداية كنت افكر اسوي توزيعات كيك.. او كب كيك.. بس خفت انه يخترب او يذوب قبل مايوصل حق العرب..
فقلت خليينا في السليم.. وقررت اسوي بوكس شوكلت وكنت محتارة في الالوان.. لانه دايما الولد ازرق والبنت بينك.. فقررت اكسر القاعدة واسوي درجات البني مع البرتقالي والاخضر والاصفر
وضفت على البوكس سي دي فيه قصيدة بأسم المولود..
هاي القصيدة..
بـعـد انتظـار سـْـنـيـن وأحـلام وآمـال
. . . . . . . . الـيـوم فـرحتـنـا بـهـا طيـب وعطـور
فرحه بها عطر الـبـراءة والأطـفــال
. . . . . . . . "منصور"اسمه يالخلايق ومنصور
دمع السعادة فـوق عين الـوله سال
. . . . . . . . وفاحت تباشير الفرح فوع وزهــور
أول ظنـا لأمـه وأبـوه وْ هــو الـْـفـال
. . . . . . . . ومن مبسمه كل السعاده والـْسرور
عقبال ما نشري له شـْمـاغ و عقال
. . . . . . . . ونفخر بذكره كل ما قيل "منصـور"
يفداك عمري يالغلا وْ زين الـعــيـال
. . . . . . . . وتفداك روح ٍ شالتك تسعَة شْـهــور
كل القرايـب والـحـبـايـب والأطــفـال
. . . . . . . . من ضحكتك وقفوا لك اليوم بالـدّور
يالله عسى دايم لنا هـ الفرح .. حال
. . . . . . . . وعمـرك عساه يطول دهور ودهور
. . . . . . . . الـيـوم فـرحتـنـا بـهـا طيـب وعطـور
فرحه بها عطر الـبـراءة والأطـفــال
. . . . . . . . "منصور"اسمه يالخلايق ومنصور
دمع السعادة فـوق عين الـوله سال
. . . . . . . . وفاحت تباشير الفرح فوع وزهــور
أول ظنـا لأمـه وأبـوه وْ هــو الـْـفـال
. . . . . . . . ومن مبسمه كل السعاده والـْسرور
عقبال ما نشري له شـْمـاغ و عقال
. . . . . . . . ونفخر بذكره كل ما قيل "منصـور"
يفداك عمري يالغلا وْ زين الـعــيـال
. . . . . . . . وتفداك روح ٍ شالتك تسعَة شْـهــور
كل القرايـب والـحـبـايـب والأطــفـال
. . . . . . . . من ضحكتك وقفوا لك اليوم بالـدّور
يالله عسى دايم لنا هـ الفرح .. حال
. . . . . . . . وعمـرك عساه يطول دهور ودهور
وهذا تصميم كفر السيدي
بوكس الشوكلت سويته في محل في دبي.. الواحد كلفني 400 درهم
البوكس عبارة عن شوكلت على شكل وورود واقلام تلوين وسمايل فيس وفيه حبات والواح شوكلت وعيدان مغلفة والبوكس الصغير اللي في الزاوية داخله شوكلت على شكل شيبس
وهذا شكل البوكس من ورا
وخلصنا..
واااااااااااااااااااااااااااايد حلو مبـــــروووووك الغالية
ماشاءالله روووووووووووووعه
الله يحفظ منصور لأمه يااارب
حلو ما شاء الله
ما شااااااااااء الله عليج مبدددددددعه
مبروك الطلووووووع
وربي يحفظلج ايآآآآآه [ منتولي ] 
مشالله وايد حلو،، ممكن أعرف اللي سوت لج القصيدة إذا في مجال أتواصل معاها،، راسليني عالخاص لو سمحتي،، والله يخليلج منصور ويرزقكم له اخوان وخوات ^____^
تسلمون حبيباتي عالمرور