إبصراحه يا بنات ويا حريم هاذي أول مشاركه لي في المنتدى وأن شاء الله ماتكون الأخيــــره….
حبيباتــــــي ببتدي قصتي وياكم عشان ماطول عليكن بس بلييييييز حد يساعدني…
قصتي الله يسلمكن إنـــي حامل ( بس حمل خارج الرحم) المهم ك أي زوجين لازم بيفرحوووووون وبطير ابهم الدنيا بسبة هالخبر….وخاصه انه أول حمل..
سويت الفحص في البيت واليوم الثاني شليت بعمري وسيـــدُه العياده بس تفآجأة يوم قالتلي الدكتوره الحمل موجود بس الكيس هب مبين..قالت بسويلج هرمون الحمل وبنشوف اذا تم يزيد معناته خارج الرحم.
سوت لي التحليل الصبح وتصلتبي على الساعه 6 المغرب عشان تقولي انه الهرمون مرتفع واااايد ولازم اروح مستشفى حكومي عشان اتلاحق عمري عن يستويلي انفجار…
المهم خبرت ريلي وتم متضايج بس شوه نسوي حكمة الرب قويه…سرت المستشفى والله لا يراويكم العنايه…مابذكر ااسم لمستشفى لانه صدق عنايتهم موووووووووووووووووول هب زينه…
تنومت عندهم…. ونرس داخله ونرس ظاهره وهاي تشفط دم وثانيه تقيس الحراره! الين ماياني الدكتور وقالي انهم بيعطوني أبره عشان ينزل الحمل واذا مافادت الابره بيطرون يسون العمليه ( منظار).
وعقب الفحوصات الي تلوع الجبد عطوني الابره وكانت صدق قويه لدرجه قمت ارجع وايد بسبتها. المهم بديت انزف والدم خوفني والله. وتمن قطع دم يطيحن مني وخيووووط دم..
المهم يتني وحده من هذيل جنهن المتدربات وبدال ماتظربني الابره عدل ظربتني بلقو وردت طلعت الابره وقالت الايد الثانيه ويوم رمستها تمت تنافخ عليه وقالت وهي تصارخ ( ذزس ماي جوب) هنيه عاد انا عصبت سحبت ايدي ورديت قلت لها (ذسز ماي هاند) جان تقولي هاتي ايدج لحط الابره فعينج؟؟؟؟؟؟؟؟ تخيلووو انتو بس هالموقف….. تخيلو بس…في ذمتكم ما بتفوروون من الظيجه…والله اني تبلمت وفجيت حلجي…لكن مت ضيج وتميت اهوس على الزر عشان حد ايني ويوم يو..شليت المستشفى فوق تحت وزقرت ريلي وريلي تم محتشر عليهم..وبدال مايهدون الموضوع قالو والله اتينا حالات وايد شرات زوجتك بس هاي حاله نادره اظاهر!
ريلي من النوع الي عادي يصفع ويظرب بس الله هداه هذاك اليوم ..المهم هدأ الموضوع بس انا حلفت اني اطلع وعلى مسؤليتي..وقعت على الاوراق وسيده طلعت عنهم
طلعت عنهم وانا انزف ولين هاليوم وانا انزف لارحت لا مستشفى ولا عياده عقب هذيج الحفله..قلت خلاص دام اني انزف معناته الحمل راح..بس بتأكد وطلبت من ريلي ايبلي تحليل حمل ويوم ياب لي تفآجأة انه يعطيني خطين.!
الدم قام يخف الحينه ومب وايد بس بعدني متشككه…
كلمت الوالده قالت اصبري مب في يوم بيخوز عنج ها..قالت ها دم النفاس وبتمين جي كمن يوم لين ماتنظفين..
الحين ماعرف شوه اسوي..بتقولون خلي العصبيه عنج في صوب وهاي صحتج بس شوه اسوي قهروني في المستشفى وحلفت ما اسير لا مستشفى ولا عياده.
والله راســـي داير عليه وماعرف شوه اسوي…هل اصبر كمن يوم ومشي على كلام الوالده وتم اشرب جرفه و الحبه الحمراء لين ماينظف ولا اراجع المستشفى…
بليز مابا اسمع حد يلومني لانه صدق الي فيه مكفني…
والسموحه جان طولت عليكن…
الله يعينج و الله
بس حبيبتي دام ان نزل من نفس قطع لحم ها يعني ان قاعد ينزل و الدم لازم يستمر لين ما ينزل كله
و ربي يعوضج بحمل سليم ان شا الله
و اشربي عصاير و عوضي الدم الغاليه و السموحه
جريئه…تسلمين فديت روحج على الرد…
مشكوره حياتي..
27 الي دخلو ولا وحده ردت…
مممممممم
ْْْ استغفر الله الذى لا اله الا هو الحى القيوم واتوب اليه ْْْْ
انا لو منج اروح لعيادة او مستشفى خاص عشان اتأكد من ان الحمل نزل ولا اخاطر بروحي وبصحتي ولما تنظفين صومي 3 ايام كفارة اليمين عن حلفج
والله يعوضج خير
اكيد في فرق من مستشفى لمستشفى ومن البداااااااااااية خلي حد وياااااااج يا ريلج او اهلج عشان يقدر يتصرف في مثل هاي الامور ويوقفهم عند حدهم عشان ما يتمادون
وثاني شي بسير كذا مستشفى عشان اتاكد من الموضوع وشو الاجراأت الي هم بيسوووووونها بس مستغربه
حتى انا كان الهرمون عندي زين شوي مرتفع لانه حمل ومن كملت شهر ما كان يبين اييييييي شي لا نقطه ولا كيس حتى
بس بعدها ب 20 يوم بين نقطه صغيره داخل الكيس
ف ان شاء الله خير