مرحبا اخواتى السعوديات ابى اعرف طريقه
الكليجه لانها اكله السعوديات ذقتها عند مرت اخوى بس للاسف اللى يابت الكليجه جارت مرت اخوى بس مرت اخوى ما تعرف هالجاره كل مره اطرش اكلات حلوه خوش جاره والله بس الكليجه وايد حلوه واللى تعرف جزاها الله خير
اختي انا مب سعوديه بس عندي وصفه للكليجا…….من كتاب مبدعات عالم حواء
المقادير:
2 بيضه
ثلاثة ارباع كاسة شاي ماء
3 ملاعق كبيره حليب بودره
ثلاثة ارباع كاس سكر
ثلاثة ارباع كاس زيت
ملعقة طعام كبيره بكنج بودر
كاس دقيق بر
كاس ونص دقيق ابيض
صوص الكليجا:
كاس شاي سكر
كاس شاي ماء
ملعقتين كبار زيت
4 ملاعق طعام عسل
ملعقة طعام كبيره قرفة
الطريقه:
1=يتم اشعال الفرن على درجة حراره متوسطة
2=نخلط جميع المقادير فالخلاط (عدا نوعين الدقيقوالبكنج باودر)
3=يوضع نوعي الدقيق والبكنج باودر في وعاء ويصب عليه الخليط ثم تعجن المقادير مع بعض
وتتكون لدينا عجينة تشبه عجينةالبسكويت
ثم تكور الى كور بحجم حبة العنب وتضغط باليد مكونه شكل القرص ويضغط عليها بشوكة لتعطيها شكل الكليجا
4= توضع فالفرن الساخن على درجة حرارة متوسطه من ربع الى ثلث ساعه حتى تنضج
5=نضع جميع مقادير الصوص في قدر وترفع على النار وتحرك الى ان تتجانس المقادير ويذوب السكر
6= بعد اخراج الكليجا من الفرن تسقى بالصوص وهي ساخنة ثم توضع في الصحن المعد للتقديم وتقدم مع القهوة
وهذي صورها من الكتاب طبعا 
واتمنى اني افدتج……
ادعيلي بظهر الغيب….
شهيتني الكليجا ويد احبها …..بس اشتريها جاهزه على شكل بسكويت….
شكلي بخلي الشغاله تسويها لي… وبخرب الدايت
يعطيج العافية حبيبتي