مرحبا خواتي
.gif "12 (42)")
صار لي كم يوم أفكر كيف أرتب قباضاتي .gif "12 (29)")
من فترة خطرت على بالي فكرة وطبقتها بس فشلت
وهي اني قمت أجمع الكرتون الاسطواني اللي ايي
داخل كلينكس الحمام الرول .gif "12 (61)")
وألصقهم مع بعض بالطول وعقب اجلدهم
أو أييب الكرتون الاسطواني اللي داخل الألمنيوم
وأجلده عشان أوفر وقت
وعقب أحط اللصق المنافق (بو ويهين ) .gif "12 (70)")
وألصقه داخل الكبت عشان أعلق فيه القباضات
بس من ثقلهن طاح وغير انهن ما يقبضن فيه عدل مرات
وهذي صورة منه
ودورت عقب في النت
ولقيت وحدة من منتدانا مرتبة قباضاتها
في علاق شارتنه من إيكيا
فيه مثل الدوائر 00 بس حسيتهن ما بيكونن ثابتات
وغير اني ما فيني أسير إيكيا .gif "12 (33)")
المهم وفكرت وفكرت وعاد أنا يوم أفكر تطلع بلاوي
خاصة لو ملااااانة 00 ههههههه .gif "13 (33)")
وطلعتلي هالفكرة العبيطة بس عيبتني 00
نبدا في المقادير :
** علاق أو أكثر حسب عدد قباضاتج
** شيل صلاة أو يلال مادري شو تسمونه
اللي هي شيل البيت الملونة .. (قديمة يعني ما تبونها)
** لستيكات صغيرة مال الشعر
** القباضات
الطريقة :
ربعي الشيل بالطول يعني كسفيها بس بالطول
لين ما تستوي عرض الكف تقريبا
وعقب دخليهن في العلاق ووازني بين طرفين الشيلة
وعقب اربطيها بلاستيكات على مسافات متباعدة
بس ضوقيها صوب العلاق اكثر عشان ما تتحرك بسهولة
وبس .. علقي فيهن قباضاتج وعقب علقيها في الكبت !!
أو في علاق الفوط أو أي مكان مناسب عندج 00
والحين مع الصور 00
هاي الشيل 00
هنيه ربعتهن بالطول 00
هنيه دخلتها في العلاق ووازنت الطرفين وعقب ثبتها بلستيك 00
وهنيه خلصتهن كلهن وجاهز للتحميل 00
وتوتة توتة خلصت الحتوتة 00 شرايكم؟؟ .gif "12 (79)")
وهنيه علقتهن 00
عادي اللي تبا تضحك عادي هههههههه انا بروحي ضحكت
وبناتي مستانسات ويساعدني ومب فاهمات انا شسوي
لا ووحدة فيهن تقولي تسوين ستارة ؟؟ هههههههه
وعقب ما خلصت طلعت قباضة وعلقتها 00
وقالن هيييييييييييييييييييييييييييييييييه وتعافدن يعلقن الباقي ههههههه
يالله خبروني بأفكاركم الابداعية في ترتيبهن
>>>> استغلالية أونها تطلب بأسلوب .gif "12 (55)")
!!
اسمحولي اذا الصور مب واضحة وايد 00 تصوير موبايل
حلللللللللللوه الطريق والله وايد عيبتنيي
^^ موفقه
ومشكوووووووووووووووووره
ما شاء الله عليج فكره حلوه وسهله 
يسلموووووووو ختيه
ما شاء الله عليج فكرتج رووووووووووووووووووعة يعطيج العافية ^_^
ما شاء الله عليج اختيه
مبدعه وحلوه الفكره
^__^
ماشاء الله عليج
حلووووه الفكره
ونتريا اليديد من افكاارج
هههههه احلى شي نبدأ بالمقادير << هههههه مقادير كيك ولا شو
بس حلوة الطريقة الا تعالي بتخبرج .. انا يااادووب احتفظ بـ 3 او 4 قباضات شعر .. بس ما استخدم الا وحدة شو احسن وحدة يطلع شكلها مرتب مع الغشوة والنقاب ؟؟