بنات وسيدات الامارات…. اشحالكن،، عساكن بخير
بغيت منكن طريقة عمل الفتوش….. بس اباها خطوة بخطوة.. مع المقادير… وخصوصا طريقة تحميص الخبز،،لأني بصراحة ما يستوي عندي لونه ذهبي شرات مال المطاعم..( شكلي وحدة شادة حيلها في الطبخ،،، اونها تبا تنافس المطاعم ) :22 (16):
.. فديتكن عاد أدريبكن ما بتقصرن،،،،،، عطوني نصايح من خبرتكن،،،، ولو كان فيها صور بيكون اوكي.
تحياتي
هلا أختي
الخبر تقطعينه مربعات و بعد ما تحطين الزيت و يخسن حطي الخبر و حركيه لين ما يتغير لونه و يستوي اغمج و بعدين طلعين و حطي في الصحن الورق الي يمتص الزيت
خيار
طماط
خس
بقدونس
فلفل رومي اخضر
نعناع
الطماط و الخيار و الفلفل لا تقطعينه صغار وايد خليه وسط
و اخليطهم مع بعض و ضيفي عليه
زيت زيتون
خل ابيض
سماق
ملح
فلفل اسود
ليمون
و بعدين حطي فوقه الخبر المحمص
و ان شاء الله اكون افدتج
و بهالنها و الشفا
اختي ام روضة
يزاج الله خير…. بس لو تحطين لي صورة الخبز بعد التحميص،،، يعني ابا اشوف شكثر اخليه في الزيت
7
7
7
جان قلتي لي من قبل؟ 
أول أمس محمصه الخبز
ومسوين فتوش للعشا 
شوفي يالغاليه، أول شي تقطعين الخبز، وتحمصيه
بالنسبه لي أحط زيت كميته مناسبه، مب واااايد وايد ولا شويه
إذا حطيتي شوية زيت بيحترق الخبز
بس يوم تحطين الخبز لازم يكون الزيت حار شوي، وحطي الخبز وقلبيه شوي، ولا تخليه وايد عن يحترق
وبالتوفيق يالغاليه 
,،,،,،,،
السلام عليكم ..
ممكن اضافة قليل من الثوم ايضا يعطي طعم لذيذ جدا
نحن نسويه
خيار
طماط
بقدونس
نعناع
والطريقه
نقطع الخيار والطاط مكعبات كبيره شوي
نخلطهم
ونظيف فوقهم اوراق النعناع والبقدونس اللي راح نفصلهن من العود مالتهم
وبعد زيت زيتون وملح
والخبز الخوات ماقصرن وياج
انا احط خبزتين فوق بعض وعقب اقصهن بشكل طولي وعقب اقصهن مربعات
وجذه
ممكن اضيفي فجل كمان وخس