طريقة خلطة الشاي الاخضر والنجبيل والنعناع والكمون والليمون لعيوونكم ^^

1. حزمة نعناع

2. ليمون

3. شاي أخضر >> أستخدم لبتون

4. كمون مطحون موجود فكل بيت

5. زنجبيل مقطع صغار أو مبشور بحجم صبع الايد

6. مااي

الطريقة :

– اتيبين جدر واتحطين فيه كمية ماي مناسبة تكفي ليوم واحد ,,

– تفورين الزنجبيل المقطع لمدة لاتقل عن 15-20 دقيقة عسب يطلع الطعم ,,

بس انتبهي لو قطعتيه تخلين هالمدة أو اكثر بس لو مبشوور بيطلع طعمه حار فخليه مدة أقل ,,

– عقب حطيه النعناع و نص ملعقة كمون وتفويينه مال 5 دقايق ,,

– اتييبين دلة واتحطين 2 -3 شااي أخصر فيه ,,

أو مثل ما انا أسوي احط الشاي الاخضر في الكوب و أصب الخلطة فيه ..

– عقب ماتصبين الخلطة في الكوب قطعي نص ليمونه وعصريها عليه ,,

ملاااحظة هاااااااامة :

1. طعم الخلطة تلوع بالجبد في البداية ومع الاياام تتعودين ,,

فالي ماتروم تستحمل توم تستغنى عن الكمون ,, أو من الاسااس ماتستخدم هالخلطة ,,

2. استخداام هالخلطة لمدة شهر فقط لا غير لسبب مهم :

– اكتشفت ان هالخلطة مع مرور الوقت اذا تميتي عليها تستوي ملين للمعدة ويسبب اسهال ,,

عقب فترة الشهر عادي تستخدمينه بين فترة و الثانية وهذا الللي سويته أحين ,,

يعني لاتودرينه مرة وحدة ,,

اخذيه مرة في اليوم لين ما يتعود جسمج ,,

وأحين أخذه 1-3 مرات في الاسبوع بالتدريج خففته ,,