طريقة الكبسه السعوديه سهله وبسيطه!!!

يقطع البصل ويحمر على الزيت الى ان يصبح لونه بني فاتح مو ينحرق لا فااتح
وننقع الرز في ماء عادي ونغسله جيدا ..ونحطه على جنب ..
نأخذ قطع الدجاج والافضل اننا ننزع الجلد ونضعها على البصل.. ونضع حبه الفلفل معها .. ونقلبها مع البصل شوية .. ثم نفرم الطماطم في الخلاط او نقطعها قطع صغيرة جدا ..
ونضعها على البصل والدجاج والفلفل ونستمر في تحريكها ونضع الصلصة ..و الليمون الاسود نكسرها حتى يكون طعمها في الكبسة والهيل وعود القرفة والملح ونحركها ثم نضع الرز بعد ما نصفيه من الماء المنقوع فيه .. على الدجاج ونضع الماء مقدار كاستين ونصف تقريبا ونكتم عليها (نقفل عليها ) ونتركة الى ان ينضج تقريبا ثلث ساعة .. وبعدين نفتح عليه ..ونشوف اذا جفت الموية وحبات الرز ناضجة تمام نجهزة ونخرجه اما اذا ما جفت الموية نخليها الين تجف واذا جفت والرز باقي ما استوى (مانضج ) نزود شوي مويه ( ماء) ..يعني نص كاسة ماء ونقفل عليه الين يستوي ..
نجهز السلطة .. حبه طماطم حمراء وخيار وليمون وملح ..اذا كان الملح كثير فوق الكبسة مانكثر ملح السلطة اما اذا كان قليل <<نزود شووي بس مو مرة وتقولو علي ملحه <<هع هع ..
نقطع الطماطم قطع صغيرة وكذ1لك الخيار ونعصر الليمونه ونحط الملح ونحركها ونضعها في صحن ثاني على شان يكون شكلها مرتب ونزينها بالبقدونس ..
اما الكبسة نضعها في صحن كبير ونخلي الدجاج بالوسط والفلفل جنبها ونزين الطبق بشرائح طماطم وبقدونس ..ونخرج حبات
الهيل والقرفه خلاص ماراح نستفيد منها

[IMG]http://*****.alhnuf.com/imgcache/970e0c209b3f05ec0ea88dd69c706808.jpg[/IMG]

وهذي صوره أخرى لكبسة اللحم..بس بدل اللحم دجاج..

ونقدمه وبالعـــــافيه عليكم….