السلام عليكم و رحمة الله و بركاته …
خواتي إللي بيربن في رمضان مثلي .. شو برايكم بتكون الفاله للزوار .. شو بتضيفون الناس ؟؟ خاصه إنه الكل بيي عقب التراويح و الناس شبعانه من الفطور … شو ممكن نقدملهم ؟؟
و هل تعرفون خدم متخصصين في الضيافه .. ما أدري إذا نقدر نطلبهم من الفنادق ولا من وين ؟؟
الله يسهل عليج يارب
يعني,,, قهوه و جاي و لقيمات و حلوى مثلاً,,, سويتات يعني,,, و جوكلت,,, بس مش أكل خفيف يعني مثل ما قلتي هم بيكونون شبعانين ,,, مممم,,, هيه,,, دام بيكون حر,,, آيس كريم ولا كريم كراميل جيلي و ها الشغلات بس مش شغل بيت طبعاً,,, أما من وين تيبينهم,, ما عندي فكره,, هيه,, و جيز كيك صغار و باردات,,, و الله يقومج بالسلامه و يفرحج بوليدج,,,
الله يسهل عليج وعلينا
انا ان شاء الله بييب كب كيك وعصاير والفطاير الصغيرة و عشان ما يزعلون فيمتو خخخخخخ
الله يقومج بالسلامه
خليها اشياء خفيفهـ
لانهـ فعلآ الناس بيكونون شبعانين والاكل الدسم يخلي ريحة الغرفهـ مش مستحبهـ
كب كيك مثلا حلويات شاميهـ لقيمات شوكولاتهـ و شي محلات يسوون حلويات المكسرات هالسوالف يعني ويا الشاي
والقهوهـ والعصاير
فديتج البنات ماقصرن تقريبا هاي هي الأشياء
بس إذا تبين وحده تضيف الضيوف وتقهويهم سيري عند محلات تجهيز الأعراس
بيكون عندهم مقهويات وحق السيرفس متمرسات ويعرفن شغلهم زين وبيسون الشاي والقهوه وباقي السوالف
والله يقومج بالسلامه