مرحبا اخواتي شخبارك اريدكم تساعدوني بخدمة والله قلبي بيظل على نار لين توصل بنتي والمدرسة وترد مع الدريول يلي حاطينه لها
ظليت ادور تقريبا شهر وما كنت حصل غير هذا الهندي
بس بيني وبينكم خايفة عليها كثير
اذا حد يعرف حرمة توصل بنتي من البيت للمدرسة وتردها الظهر بكون شاكرة لكم في بوظبي
مع العلم اني في شارع المطار وهي في ام حبيبة في البطين
ياليت لا تبخلون علي
اختي ليش ما تخلين الخدامة تروح معها و انتي؟؟
احسن لج من المحاتاه و الخوف
او تيبين دريوليه بدل الدريول
و السموحة منج
ااختي انا ما عندي خدامة وعندي عيال صفار في البيت ما اقدر اطلع الصبح واخذ تكسي مع عيالي كلهم
والمشكلة ان زوجي ما يقدر عنده دوام
يعني اذا حد يعرف حرمة تبى تسترزق خبروني
المفروض ما تنطرين ولا دقيقة أولاً ترتبين روحة البنت بشكل آمن من بداية المدرسة والله ما في شي أهم من بنتج لا العمل ولاأي شي ثاني أنا لو في مكانج حتى لو أجر تكسي وأن وديها بروحي مو مشكلة عندي والله حرام عليكم أمانة ضيونها منكم ما ينفع بعدين الندم …وعلى فكرة الخادمة ما راح تحمي بنتج بل العكس في منهم من يتعاون مع الدريول على بنتج والله حصلت عندنا ..أنتبي والله أقول لج هذا الكلام من الحرة ..لاني أعرف قيمة العيال وأقدر النعمة الي أشوف ناس وايد قاعدين أضيعونها … وعندج باص المرسة مثلاً أو أمج أو أختج أو أي أحد من أفراد العائلة .. المهم لا تروح مع الدريول بروحها .. ((اللهم بلغت اللهم فأشهد ….))
ان شاء الله البنات يساعدونج
لاحول ولا قوة الا بالله
لا تخلينها مع السواق ..ان شاء الله تحصلين حرمة توصلها