السلام عليكم ورحمة الله وبركاته
خواتي انا سجلت ولدي من شهر 5 في مدرسة الإمارات الوطنية فرع أبوظبي..التسجيل كان في فرع المدرسة في مصفح..
وللحين ما أشوف أي خبر عن المدرسة في بوظبي..ووين مكانها وهل فعلا بتبدأ الدراسة فيها شهر 9 نفس ما خبرونا
منو يطمني بليز
أنا مسجلة بنتي في البري كي .. مكان المدرسة اليديدة في البلوك اللي فيه فواله وراه بالظبط
مشكورة أختي أنا بخطف اليوم واشوفها
المدرسه مكانها بالظبط نفس الاشاره اللي عدال مستشفى دار الشفاء اللي في نهاية شارع النجده المبنى لونه بني وفيه مضله عووده
سرت المبنى وتقريبا 99% مخلص الحمدلله وأول يوم دراسة بيكون 7 شهر 9 بإذن الله
بس بنات تمت سالفة المريول من وين شريتوه أنا اتصلت فيهم وخبروني عن خياط اسمه زهرة الظبي ف الخالدية سرت ولفيت وايد ولا حصلت المكان
ساعدوني
ربي يوفقجكن يارب
آمين يارب ويوفق الجميع