مرحبا بنات
شحالكن؟ عساكن بخير و سهالة
حد يساعدني فديتكن..بطريقة الشوارما المكسيكية و خاصة صلصتها الحمرا الحاارة.. مثل اللي يسوونها مطعم فروج..
دورت واايد بس ابي طريقة مضمونة و مجربة و فن.. يعني ما تخرش الميّة!!
لا تفشلوني..ابي اسويها بيت اهل ريلي وابي شي يبيض الويه, تراهم يسوونها بس مو هاك الزود..
ها… هالله هالله..ابيها نفس مطعم فروج او احلى>>> شحات و يتشرط!!
.. ساعدوني مالي غيركم
بنات الله يسامحكم محد يعرف الصلصة المكسيكية؟!!
زين حد يرد عليه!!
المقادير:
4 بصل شرائح
نص كيلو صدور دجاج
ملعقتين طعام سماق
ربع ملعقة طعام بودرة التندوري
ربع ملعقة طعام فلفل أحمر
ربع ملعقة طعام فلفل اسود
ربع ملعقة طعام ملح
مقادير الصلصة:
بيضتين (انريد البياض بس )
ملح
ربع ملعقة طعام ملح الليمون
ربع ملعقة طعام بودرة الثوم
و فص ثوم
كأس زيت
الطريقة:
نحمر البصل في قلبل من الزيت ثم تضيف الدجاج بعد ان يتم تغطيعة إلى مكعبات و يقلب حتى ينضج الدجاج و ينشف ماؤه.
تضيف السماق و التندوري و الفلفل الأحمر و الفلفل الأسود و الملح و يحرك و نطفئ النار
لعمل الصلصة:
يوضع بياض البيض و الملح و ملح الليمون و الثوم و فص الثوم تخلط جيدا بالخللاط و في تفس الوقت نفتح الخلاط و هو يعمل و تضيف كأس زيت بالتدريج و ليس دفعة واحدة
و بعدين إنحطة في الخبز مع سلطة و بطاطا و بعدين الصلصة
هني وعااااااااااافيه
ألف شكر لج بوتة راك
و يعطيج العافية
فكرة الصلصة ببياض البيض يديدة علي
بجربها
بس بغيت اعرف شلون تصير الصلصة حمرة.. هل بالصبغة, بالفلفل…؟
و الف شكر عزيزتي
ننتظر الردود الحلوة الباقية
مشكوووورة اختي بنوتة..
أنا بعدت استدفدت من الطريقة 
عااااااد احلى شوارمااااا مكسيكي عند الفروج
مشكووووررييييين