صفعتها و مب ندمانه

امس كنا معزومين ف حفله وحده من قرايبنا
و اخت ريلي معاي و انا مب هاك الزود معاها بس لان ريلي طلب مني اوديها و انا وديتها معاي
السالفه انها كانت طووول الوقت تقرقر فالتليفون و هالشي اهلي ما يتقبلونه لاني اعرف اهلي
و كم مره قلت لها سكري سكري و هي ما تعبرني !

و لما كان المعرس بييي رحت البس عبايتي وفجأة اختفت من مكانها دورتها و دروتها
و حصلتها منخشه تحت الدري اونها تيالس اليهال و هادة الحفله و انا عصبت و زقرتها و قلت لها قومي المعرس من اهني بيطوف قومي قعدتج مب حلوة اهني و هي كانت تتكلم فالتليفون
و انا سرت لبست عبايتي و لما رجعت شفتها قاعده نفس المكان
و لا ارادي سحبت التليفون من يدها و كنت ابي اقول للبنت اختي سكري الحين و بعدين فلانه بتتصل لج
و للاسف طلع ولد و كان يقول لها اذا ما طلعتي وياي (و هي كانت تضحك حبيت ابين هالنقطه)

انا بس سمعت هالكلمه و سيده صفعتها على ويها حسيت اييدي ورمت من الصفعه و ما كملت الحفله و اتصلت لريلي و عطيته التليفون و الولد لين الحين ما يرد علينا و هي اونها ما تعرفه يمكن دخل بالغلط فالخط نحن وين عايشين !
عيني عينك تجذب و خوات ريلي زعلوووو مني ليش خبرت ريلي بس بصراحه ما عرف شو اسوي
وحده توها مخلصه المدرسه جي تسوي
عيل لو كبرت كم سنه زيادة شو بتسوي

اوووووف انا مقهورة منهم كلهم زعلانين مني لاني خبرت ريلي