بقولكم مشكله أعز وأغلى صديقة عندي .. أول شي هي معرسة صار لها 3 شهور بسسسسسسسسس
أمس صار نقاش حاد بينها وبين ريلها في موضوع جداً تافه وبسيط، بس ما أعرف ليش كبروا السالفة وتموا يسبون بعض .. وهو ضربها وايد وبقسوة.. لأنها قالتله كلمه ما عيبته وعصب عليها..
وعقب الضرب تمت تصييييييييح صياح اليهد وهو مب حاس فيها بالعكس تم يدزها ويضربها…
شوي ولا يقولها ::::
انتي طالق
سكت شوي ورد قال
طالق
طالق
مش بالثلات لااااااا بس هو تعمد يقولها لأن كان معصصصصصصصصصصب ع الآخر عسب هذيج الكلمه بس…
عقب ما قالها انتي طالق تم شرات المينون يدور على أرقام المطاوعة والمشايخه… وأخيرا رد عليه واحد وقاله هاي تعتبر "طلقة أولى" ما يحتاي عقد يديد ولا مهر وهي تعتبر زوجتك ..
وقالها هالكلام واعتذر لها وندم وايد وقال من العصبية نطقت بالكلمه بس النية مش موجودة.. وأنا أحبج وأباج ومن هالكلام …….
بس المشكله الحين!!!!!!!!! إنها خلاص مصدومة وتحس إنه أهان كرامتها وجرحها، لأن كلمه طالق كبيره عليها وما قدرت تتحملها وتقول خلاص باقي طلقتين بس…
بشو تنصحونها .. هي لين الحين ما خبرت أهلها ولا هو بعد .. وقالها إلي صار بيتم بينا وبس ..
تقول إنها خايفة من إلي ياي وخايفة تستمر وياه وفي لحظة غضب يرد يطلقها !!!! وثاني شي تحس إن شي في داخلها انكسر وصعب يرد مثل ما كان .. وصعب ترد تعامله بنفس المعامله الجديمه إلي كلها حب ودلع وحنان.. وتقول إنها مب قادرة تتقبل منه أي شي وبتم فترة طويله جي لين الله ييسر وتقدر تنسى
بشو تنصحونها بنات؟؟!!
تخبر أهلها عسب يتصرفون وياه وعسب ما يكرر هالشي مرة ثانية؟؟!! ولا
ترد بيت أهلها فترة لين تتصافى النفوس؟؟؟!!! ولا
تطلق بشكل رسمي؟؟!!!!!
أتريا الردود
[/COLOR]
هالموضوع كبير ولازم ما ينسكت عنه .. لازم هلها يدرون وهو يعرف انه وراها سند .. وإلا بيتمادى عقب وهم توهم معرسيين !!! ..
معظم الرياييل عصبين بس مب عشان كلمة يطلق .. أستغرب الصراحه من هالعقليات!!
وربي يعيينها
لو خبرت أهلها تعتقدين ما بتكبر السالفة؟؟!!!
اولا اهلها لازم يدرون …
ثانيا لازم يتأكدون من المحكمة الشرعية
والله يعينها
فكرت إنها تخبر أمها أو أبوها بس المشكله إنهم كبار في السن ومرضى ..وتخاف عليهم وإذا خبرتهم أو خبرت حد ثاني ريلها بيحط عليها وبيقولهم إنها سبته وقالتله " ….. " يعني بيلومونها!!!!!!!!
بس لو شو بعد ما كان المفروض يطلقها صح؟؟!!!
انا عن نفسي أحس إذا تدخلوا الأهل بتكبر السالفة
وبيصير بينهم حاجز أكبر ..
فـ أحسن إنها ما تخبرهم وهي تحسسه بغلطه هذا أفضل
والله يسهل عليهم ويوفقهم
والله يا أختي حبيت أقول شيء واحد
اذا ان شاء الله حلوو المشكلة وتصالحوا
انصحيها بقووة انها مرة ثانية لو يصير هواش بينها
او بين ريلها او تشوفه معصب انها ما تقرب صوبه وتسكت وما ترادده
لأنه واضح ان زوجها من النوع اللي يعق كلام بدون قصد
بالتالي بعيد الشر يمكن يقول هالكلمة مرة ثانية
فخل تحاسب
والله يهديهم ويصلح ما بينهم..اللهم آمين