السلام عليكم
قرب عندنا عرس خالي وحاطه ببالي من زمان ابغي اصبغ اشقر ثلجي مثل باريس هيلتون
بس ما ودي اسوي بالصالون البيت اريح + امي مابترضي لانها اصلا ماتبغيني اصبغ
ف فكرت اول شي اشقر شعري عشان يفتح اللون لان شعري شوي غامج
وبدور ع صبغة الثلجي , بس خايفه مايصير اللون
اذا تعرفون شو هي الالوان الي اقدر اخلطها عشان يطلع لي الثلجي ؟
الي عنده خبره لا يبخل 
حبيبتي لا توهقين عمرك وشعرك اللون الاشقر الثلجي بغى له احد بروفشونال عشان يضبطه ولازمه سحب لون وهاي الامور لازم احد يحط لك اياها ويراقب ويعدل ويعمل رينساج بعدين فنصيحة من اخت لاتعبين شعرك وبعدين تحصلين على شيء ما بيرضيكي
دام مالج خبرة بالصبغ لا تصبغين هاللون بنفسج لأنه صعب
التشقير يسونه في حالة وحدة بس إذا لون شعرج أسود سواااد قوي
أما لو كان أفتح من الأسود ما يسون التشقير بيصبغونه بصبغه فاتحة
إللي تقولج لازم تشقرين شعرج وإلا سحب لون لا تسوين شعرج عندها
و لين توصلين للون إللي تبينه لازم الصبغ يكون على مراحل
وبعدين شو يضمن لج إن هاللون القوي بيكون مناسب للون بشرتج
يمكن ما تعجبج النتيجة بعد الصبغ و وقتها بتتوهقين
فالأحسن تسيرين الصالون وتسألين خبيرة الصبغة عن أحسن درجة من الأشقر تناسب لون بشرتج
عقبها يا إنج تصبغين بالصالون من ورا أمج أو خلي الصالون يجون يصبغون لج بالبيت
بس جوفي لج وقت أمج ما تكون موجودة بالبيت لما تصبغين
موفقه
الله يهديج لا تتهورين وتحرقين شعرج .. اذا بتصبغين أول مرة شاوري البنات اللي لهن في الصبغات وسيري عن ناس بروفيشينال .. خصوصا انج أول مرة تصبغين وبعدين عندج مناسبة .. لا توهقين عمرج
^_^
راي من رايهن روحي لاصحاب الخبره جيه شعرج بيتلف عليج
موفقه حبيبتي