السلام عليكم و رحمة الله و بركاته
شخباركم حبايبي ان شاء الله كلكم بخير 
اليوم مسوية هالموضوع حق البنات اللي يعانون من حب الشباب و من الامراض الجلدية و الحساسية
قبل كل شي حبيت اقولكم بنات انا ما اتكلم عن شي الا عن تجربه 
انا كنت اعاني من حب الشباب ف ويهي جربت كذا غسول و صابون طبي ووايد اشياء
بس كان مفعولها مؤقت.
عقب نصحتني وحدة مغربية ربي يوفقها بصابون الكبريت المغربي
و هذي صورته
صابون طبي غني بالمعادن و الكبريت
بناااات هالصابووونه فنااانه للي تعاني من حب الشباب يومين و تنشف كل الحبوب اللي فالويه
طريقة استخدامها لمفعول افضل :
تبللينها و تبللين ايدج و تفركينها في ايدج وايد ليين تصير مثل الكريم عقب وزعيه على كامل ويهج
و خليه ثواني لين ينشف و عقب اغسليه.
بتلقونها عند العطارين و بمحلات المنتجات المغربية.
انصحكم فيها و بشده
يزاج الله خير
بس اختيه يعني هيه توقف الحب؟ ولا تشل الاثار؟
مشكورة
تأكيدا على كلامج اختي..
انا بعد جربتها و خلصتني من الحبوب بس تجفف البشرة جدا..
يبالها ترطيب جيد بعد الاستخدام.. و ما تستخدم اكثر عن مرتين او ثلاث باليوم حسب الحالة
صابون الكبريت معروف بمفعوله على الحبوب ومتوفر بالصيدليات كذا حجم وكذا نوع مب شرط تدورون المغربي