مراااااحب بنات ….
اليوم عندي لكم سؤال صغيرون وحلو واتمنى الكل يشارك ويانا
شو هي الصفه الي ماتبين عيالج ياخذونها من ريلج وليش؟
وشو الصفه الي تبينهم ياخذونها منه اذا كبروا
اتريا مشاركاتكم حبيباتي………
^ _ ^
ليش حظي جذي اول رد ..
بس مب معرسهــ …
بس بتخيــــــــــــل …
الصفه الي ما احب عيالي ياخذونها من ابوهم …السب والشتم طبعا والكلمات الي مالها اي معني ..والعصبيهــ اذا كان يعصب ..واي سلوك مب اوكيه يسويه جدام اليهال يتحاسب عليهــ ..مثلا الدواخهــ ..
واحب يتعلمون الصبر ..الشجاعهــ ..الاحترام ..والطيبهــ …واهم شي دينهم ..
واعتقد لازم الام تناقش الابو اذا في سلوكيات ما يحبون عيالهم يشوفونها او يتعلمونها من اهلهم لانه صدق الاهل لهم تأثير كبير ..
ومشكوره ع الموضوع ..
يعنـي تبيـن الحـرمــه تـرمس عـن ريلــها وتقـول الصفــات الي مـب زينــه فيــه جــدام خلـق الله .. مهما يكــون هذا ريلها بو عيالها ومافي حـد كــامل .. والي تحترم ريلها مابتـرمس
لــو قلتي الصفـات بشكـل عــام يعنــي مب من ابوهــم أحســن
هذي وجهـة نظريه ولا تزعلين
الي ماتباه اترد ماله داعي تحتشر عالموضوع تكرمنا بسكوتها احسن
حبيبتي مس UAE تسلمين عالمرور
المشاركة الأصلية كتبت بواسطة عيون عسليه 
حبيبتي مس UAE تسلمين عالمرور
وانــا يــوم أبغــي أرد بــرد …
مابخرب موضوعي عشانج
بنات الله يهديكن صلو ع النبي ..
الموضوع مافيه شي ..
الي تبغي ترد عندها خانة الرد وهيه حره ..ومحد ملزوم يرد اذا ما يبغي يرد على السؤال …
وترى مثل ما الابو عنده صفات مب زينه حتى الام ..
هل السؤال فرصه لكل ام وابو ..يراجعون حسابتهم في تصرفاتهم ..وبين فتره وفتره لازم ينتبهون لهل الشي ..
ومثل ما قلت الي ما تبغي تقول لا تقول مب مجبورهـ ..
واختلاف الرأي لا يفسد للود قضيهــ ..