السلام عليكم ورحمة الله وبركاته
موضوعي واضح من العنوان
بما أنج احين في مرحلة يديدة ونهائية
شو هدفج
شو طموحج
طبعا نبغي شي واقعي
ما في شي مستحيل بس في أمور غير واقعية
المهم
انتي هل اخترتي او وضعتي هذا الهدف عن قناعة وهل انتي من حدد هدفك
ولا حد ثاني
هل انتي شايفة انه التخصص أو الدراسة اللي انتي تبينها مميزة
يعني تميزت بجوانب معينة تناسب شخصيتج
ولا لأنج مضغوطة من قبل الأهل
اتمنى أنكم تفيدوني
نفيد ونستفيد
موضووووووووووووع رائع
اتمنى من كل بنت في مرحلة الثانويه تقرا موضوعك ^^
لانه بيخليهم يفكرو زييييين في حياتهم المستقبليه
في واييييييد بنات مايفكروا بالمستقبل زيييين وانا وحدة منهم وندمت ع الي فات
بس طالما انا بخيييييييير والحمد لله ومازلت اتنفس هذا دليل على انه لسه في امل واقدر احقق اللي اريده ان شاء الله
دعواتكم لي ^^
مشكوووووووورة اختي
و عليكم السلام ورحمته الله و بركاااته
هدفي ايب نسبة فوق التسعين و افرح الوالدة الله يحفظها
و اكمل دراستي ان شاء الله بجامعة الامارات العربية المتحدة 
و ادرس علوم سياسية لانه هالتخصص وايد مناسب لشخصيتي . و مشكورة ع الموضوع الرائع . ^.^
و اتمنى من الي بثانوية عامة يردون ع الموضوع و يقولون اهدافهم علشان نستفيد من بعض.
هدفي اييب نسبة فوق 90
وان شاء اكمل دراستي بجامعة الامارات
بتخصص القيادة والمجتمع
لاني ـآأميل للاشياء الي تخص المجتمع وهذا التخصص يبني شخصية قيادية وشخصية قوية وحلوؤه
وان شاء الله في الفصل الثاني والثالث نيب نسب احلى ^^
وعليكم السلام ورحمة لله وبركـآته
موضوع جميل أختي
..
أنـآ أول شي وأول هدف لي إني أحصل نسبه فوق الــ95
و ان شـآء الله أكمل درـآستي في جامعة الامارات بس خواتي مصرييين على جامعة عيمـآن -___- بس مب مشكله ان شاءالله بقنعهم اني اروح جامعة الامارات
بتخصص >> قـآنون او موـآرد بشريه للحينه مب قادره أحدد أي تخصص >> أميل للتخصصين بنفس الوقت *_*
بس في تخصص اول مره اسمع عنه قريته من العضوه الي فوقي خخ > القيادة و المجتمع ؟ !! اول مره اسمع عنه ممكن اذا في مجال توضحين لنـآ شوي معلومات عنه !
و بالتوفيق للجميييييع
و مشكوره على الطرح المفيد خويتي