السلام عليكم و رحمه الله و بركاته
بخبركن اليوم سرت السوبرماركت ويا ريلي اشرينا و خلصنا و عطوه كوبون
يسجله قلت له انا بروح الصيدلية شوي عطيته يشل ولدنا 5 شهور سار يسجل
الكوبون على الطاولة جان اتي بنت من وراه و تمسك ايد ولدي يوم التفت ريلي
شافها ماسكه ايد الولد و منزله راسها اطالع شو مكتوب في الكوبون يوم
شافته التفت ابتسمت له مع ان في اماكن وايد فاضية شو هالحركات انا ريلي يخبرني عنها والا لو انا عنده
بتشووف شي ثاني …
هاي وحده سخيفه ومو محترمه نفسها بس الحمد لله ان ريلج ماعطاها ويه حريم الزمن ينخاف منهن وخاصه المولات والسوبرماركت
هذي يا انها هبله ول اانها هبله هههههههههههههههههه
حتى الريال ويا حرمته مب راحمينه
حركات بنات مفلعات والله
الله يعين ريلج يالغيوره
ههههههههههههههههههههههههه
لا تزعلين مني ابي اضحك وياج
وسعي صدرج ياما بتشوفين من هالاشكال السخيفه
والحمد لله ان ريلج كلمج تحملي يحس انج متضايقه ويندم انه قالج ومايرد يكلمج
والسموحه الغاليه
بنات اخر زمن عافانا الله مب متربيات عدل
انا بقولكم سالفة واحد من اهلي كل مانسير وياه مكان نودي ولد اخوه ويانا
ويوم نوصل نحن نخليه ونسير رواحنا نحاوط يقول لنا خلوا ولد اخوي عندي نقوله ليش؟
تعرفون شو يقول؟
يقول لان البنات يوم يشوفون يهال عند الشباب يعطونهم ويه
عافانا الله كلنا نحب اليهال بس مب لدرجة ان نشوف ياهل عند ابوه نسير نرز بويوهنا عيب والله
سوي طااف ، لأنها وحدة سخيفة ما عندها سالفة
ما بزيد على كلام خواتي
حتى كلمة سخيفه شويه عليها
اه لو منج وكنت هناك جان عرفت أدبها