بنات شو رايكن في مكياج عايشة بحريني …..
حلوووو وﻻ ﻻء للعروس ….
فيه ناس يقولون غالية على فاضي مكياج بس 5000
وفيه ناس يقولون ام سلطان بالشارجه احلى وناس يقولون صالون غراشيب
بليييييييز قولوا لي وحده تمكيج وتسوي تسريحة بسعر معقول وحلو وراقي وشي فخم ومرتب وخفيف مكياج وتسريحة راقية لاني بلبس تاج …
ساعدوني
حياتي انا شفت مكياج عايشة على عروستين ولكن مااقدر اعطي رايي فيه لان لها محبين
وكل وحدة لها ذوق مااقدر اعمم في ناس يحبون وناس لاء
انتي شيكي ع النت وشوفي صور واكيد مقررة كيف يكون مكياجك
واختاري بناء على رأيك انتي
اما الشعر في كثيررر كوافيرات يتفنن بالتسريحات وممكن الماكييرة توفر لج وحدة تكمل شغلها
وبالنسبة للسعر والله ماعرف في ناس تشوف السعر رخيص وناس لاء تشوفه غالي وبنفس الوقت في ناس تدفع 10 و13 ع الميكب ومايحسون بالاسف
الله يوفق الجميع
وتمنياتي باختيار موفق حبيبتي
الخوات الي يعرفن مابيقصرن ،، بالتوفييييج
عاشة ما عليها كلام رووووووعة اطلعج ناعمة وتبرقين بشكل ناعم وحلو بس مكياجها مب ثجيل ولا خفيف مووول انا وايد تعيبني واحسها اطلع العرايس يجننون مافي وحده مكيجتها ما طلعتها حلوه..
اما اذا استايلج ثجيل وايد انصحج ف ام سلطان مكياجها حلو لو انه ثجيل ..
عايشة وااااايدن ما مدحوها لي يقولون بالمزاج نفس هيفا صفر …
اتمنى تساعدوني في ليلتي ابا اكون ملكة
وااايد سمعت يمدحونها
الله يستر … بس ان شالله تعرف تضبطه بس .. بس سعرهاااا غالي وبدون مال شعر