اشحالكم بنات
الاجازة حلوة والجو احلى
الاجازة من تاريخ 2 /12 الى 14 /12 يعني 12 يوم لا تزعلون بو الشباب عسب يظهركم ولا تضاربون الريال اذا بيظهر مع ربعه الله يحفظ كل الشباب ان شاء الله
انا تفاهمت مع بوعيالي 6 ايام حقنا و6 حقه (عسب يظهر مع ربعه) ما احب اكون انانية
المهم :
وفي الواقع جو الجزيرة بيكون شرات الفنادق وانا مليت من الفنادق ابغي اغير …
افكر اني احجز شقة مفروشة في دبا او الفجيرة (حق الرقاد) 4 او 5 ايام ونظهر نتغدا برع ونلعب العيال ونتحوط وبر وجو ومطر ووناسه لان الجو الحين جو المناطق الشرقية
بس الى الآن جاري البحث عن شقق وما ادري بحصل ولا لاء
او :
كل يوم اسير مكان انش من الصبح ونرد المغرب
الاماكن اللي ابغي اسيرها :
حديقة الحيوان العين
المبزرة
(يعني يوم او يومين بوظبي)
دبا -الفجيرة-الخور
ما اعرف كم يوم يبالنا هناك
بعدني ما يلست مع بو الشباب عسب الاتفاق الاخير
على فكرة :
انا حاطة حصاله وميمعة بيزات حق الظهرة هاذي لاني انا اللي عازمه ريلي …اتمنى لكم اجازة سعيدة
ما شاء الله عليــج …
تتهــنين بالطلعه ان شــاء الله ^^
وفكــرتج حلــوه ,,
اتمنى نقل الموضوع الى السياحة في الامارات
المشاركة الأصلية كتبت بواسطة P!nk Cat 
تتهــنين بالطلعه ان شــاء الله ^^
وفكــرتج حلــوه ,,
عادي بو الشاب يقول في آخر لحضة وانا لابسة عباتي خلاص ما شيء ظهرة هههههههه
انا حاطه في بالي وايد اماكن في دبي طبعا مثل السناتر
مثلا خصصت ايام الاسبوع كالاتي: اليوم الاول:سناتر
الثاني:حديقة الحيوان
الثالث: سينما
الرابع :القريه العالميه
الخامس:فندق اتلانتس
السادس:اي حديقه
السابع :زيارة الاهل
شو رايكم ؟ احس دبي فيها وايد اماكن حلوه وانا من فتره سايره دبا الفجيره فماابغي اسير مره ثانيه ماروم على الخطوط لاني حامل
هيه صح بعد يمكن نسير نتعشا في هذي السفن ماادري المراكب الي على الخور وتمشيج على طول الخور وايد حلوه
أفكااركم جناان الصراحة ^^
تتهنوووون بطلعاااتكم إن شاء الله
.،.
أما عني كانت هاي الاجازة المفروض اقضيها في ربوع تايلند ><
بس الله يعلم شو بيستوي الحين !
يمكن نغير الوجهة ^^
مشكورة غـــلايّة ع الموضوع ..