الســـلا م عليكم ورحمـــة الله وبركاتــــه ،،،
هلا حريم أشحالكم ،،، يت في بالي هالفكره وقلت عشان أستفيد وغيري يستفيد ،،
نحن طبعا يوم نطلع ويا عيالنا بالسياره لازم ناخذ حق كتاكيتنا أكل شؤالي هو شو تاخذون حق عيالكم أكل وأذا كنتو بالمركز تتسوقون أو تتمشون
شو تعطون عيالكم ،،، يعني بالمختصر كل وحده تكتب النا شو اتشل في شنطة الياهل مال الأكل مع ذكر
العمر أتمنى الموضوع يعيبكم ،،،
ببتدي بعمري ،،، بنوتي عمرها سنه و3 أشهر فديتها ،،، أخذ الها روب مرضعه حليب وساعات أسوي الها معكرونه وأشلها وياي ،،، روب بالفراوله ،،، أمممم هذا اللي في بالي ألحيـــن ،،،
موضوع حلو بصراحه ,, نستفيد من بعض ^.^
انا عندي بنتين … خوالي فديتها عمرها 3 سنين و4 شهور ,, احطلها شنطه تشلها ع ظهرها ,, احطيلها عصاير فريج .. يعيبونها قوم ام خماس وصديقاتها ^_^ ,, بسكويتات مال الاطفال مثال (بسكوت اسمه لبنيز اشكال حيوانات )
وجيبسات ولازم الحلاوه >_<
بالنسبه لميرانه عمرها الحين 9 وشوي تمشي ف العشره ,, لازم آخذلها كمن رضعة حليب ,, عصاير مال اليهال ماركة هيرو ,, وآخذلها الفواكه المعلبه ماركة هيرو او فارليز او هيب …
الحين بدت تمسك البسكويت الاصابع بايدها فـ ناويه ان شاء الله اخذلها يوم نطلع بسكويت يسكتها يوم تتزلع >_<
بس سالفة اني اشل اكل مطبوخ ما جربتها ,, يبالي اجربها ^.^
مشكوره الغاليه ع الموضوع الحلو ,,, عيبتني فكرته …
انا حبيبتي عمرها ثلاث شهور اشل لها شاي بالبابونج او ماي و شكر
و اكيد الحليب و لاااااااااااااااااااززززززززززززم المصاصه عشان اسكتها الين اسوي الحليب
فديتها حبيبتي اتولهت عليها انا في الشغل
والله فكرتج روعه هنوده
عن نفسي بنتي عمرها 3 سنوات ونص وولدي عمره سنه وشهرين
يوم نطلع حق ولدي لازم حليب كم من رضعه ومراضع 2 للحليب وواحد للماي ..
واشيل وياي بسكوت حقه واذا كنت مسويه له اكل اشيل وياي واذا لا اخذ وياي ميلوبا عسب اذا ياع انسوي له هناك
وبنتي ما اخذ لها شي غير غرشه ماي صغيره
جان تبا شي بنشتري لها من هناك وعشان تتغدى عدل لان اغلب طلعاتي للمول فتره الغدا واذا كلت بسكوت او اي شي مابتتغدى 
ااكله قبل لا اطلع واخذ له شئ من المكان اللي اسيرله
ووقت الغدا ولا العشا اطلب له
عمره سنه و9 شهور
حلوة فكرتج . . هنوده . .
بالنسبة لولدي .. عبادي .. اعطيه ف البيت سيريلاك و أحاول اشبعه .. و من نركب السيارة لين ما نوصل المكان راقد ..
و آخذ معاه .. ماي و روب بالفراولة أو مراعي .. شبس ..
سيريلاك إذا طلعة مطولة ..
و بس ..
بنتي عمرها 3 شهور ونص..ومعظم طلعاتي بدونها….لأنها ما ترضع الا من صدري وما تتقبل المرضعه الا بالمووووت…فأكثر طلعاتي لما اكون عند اهلي علشان اخليها عند الوالده واكون حالبتلها حليب..
واذا طلعت وياها اكون مسوتلها شاي ميلوبا وطبعا مااا تشربه……مره كنا سايرين نتعشا برع انا وابوها وقلنا بنشلها ويانا نجربها كيف بتكون الطلعه وياها…ابداااا ما تهنينا فعشانا سوتلنا حفله حاولت اشربها الشاي بس منو يقول بتشرب لوووووووووول…