هلا ياحلوات
حطيت هالموضوع عشان نستفيد ووو
بيني وبينكم حطيته فضول خخخخخ
يالله كل وحده تجيب جناطها وتفتشها وحده وحده وتقول
لنا شو فيها
أنابصراحه لما أكون رايقه أخذ كل جناطي وأحط في كل وحده فيهم هذي المكونات..إستوت طبخه هههه
أحط فيهن مناديل وعلوج ودراهم وأفلاس فكه لازم
وكريم ترطيب اليد صغير وبس
ولما أظهر أخذ الجنطه اللي
أبي واحط فيها محفظتي وفلوسي ومرطب شفايف وكحال وثلامتكم
وانتوا؟
اوه نسيت أقول شي بليز يامشرفات لاتنقلوا الموضوع وايد أحب هالقسم خخج
اللهم إني أسألك في صلاتي ودعائي . بركة تطهر بها قلبي، وتكشف بها كربي ، وتغفر بها ذنبي ، وتصلح بها أمري ، وتغني بها فقري ، وتذهب بها شري ، وتكشف بها همي وغمي، وتشفي بها سقمي ،
وتقضي بها ديني، وتجلو بها حزني ، وتجمع بها شملي ، وتبيض بها وجهي .
هههه .. ماشاء الله أنا لو أسوي مثلج بخلص إلي فالجمعيه خخخخخ
أنا أنجل أغراضي كلها من شنطه لشنطه .. أحط فيها بوكي ،، مرطب لليدين ،، روج ،، جحال ،، شنيطه صغيره فيها
أدوات البادكير لأظافري ،، أحط فيها نسخة من مفتاح بيتي و نسخه من مفتاح مكتبي ،، أحط فيها معقم لليدين أو
مناديل ديتول ،، أحط فيها فوني السبير ( الاحتياطي ) وأحيانا أحط الجراجه مال الفون حق الدوام ،، لبان اكسترا ،،
كنت أحط فيها الأداه إلي يكون فيها سكين وفتاحه وظافره إلي كمن شغله في وحده لسبب تأخر ريلي عليي وأتم بروحي
فالدوام خخخخ خايفه على نفسي^^ ،، غرشة عطر أو دهن عود ( سبحان الله حد من يارات أمي اطب عليهم فجأة أكون بأتم الاستعداد بأغراضي
أممم شو بعد ،، شو بعد .. بس شنطه أثقال استوت خخخخخ
وسلامتج ^^
بصراحه اذا بروح مكان قريب جنطتي فيه بوك فيه كل كروت وبيزات وعطر وعلوج بمبرز وكلينكس معطر اما اذا بعيد جنطه يكون كلام ٢ خخخ
up up
انا عن نفسي احط فالجنطه شنطه المكياج و مناديل ازالة مكياج و معقم و عطر
و البوووك أهم شي لوووول و فوط صحيه ههههههههههه
الشنطة عادة يكون فيها بوك الفلوس وبوك البطاقات وكلنكس ناشف ومبلول بس الشي اللي أحطه قبل ما أطلع هو الموبايلين الرئيسي والاحتياط
تعرفين هالموضوع يشبه موضوع ثاني بس هاذاك بالصور
احط في شنطتي دايما ,.
دفتر اذكار الصباح والمساء + عطر + بوك + مشط صغير + جحال وروج + علووج 