السلام عليكم خواتي المتزوجات والي مب متزوجات بعد 
المهم بدخل في صلب الموضوع…
شو اتفضلون وشو هو الاحسن؟
تاخذين مصروف البيت من ريلج شهريا والا يفضل انه اتروحين وياه الجمعيه وتتاخذين اغراضج كلها وانتي وياه؟
ومصروف البيت شو لازم يشمل على اساس انج تاخذين مصروف حق البيت طبعا هذا المبلغ ما يخصه في المبلغ الي لازم يعطيج اياه شهريا حقج؟
في سؤال ثاني بعد خطر في بالي؟
اذا كنت زوجه موظفه ريلج يعطيج مصروف شهري والا لا؟
واذا كان يعطيج شو يشمل هالمصروف عشان ما تطلبين منه شي؟
انا حابه اخذ ارائكم في الاسئله الي طرحتها عليكم لا اكثر ولا اقل؟
الله يعطيكم العافيه 
موفقه
انا بالنسبة لي كوني موظفة والحمدلله راتبي زين.. ريلي يشتري اغراض البيت كلها ومرات اسير وياه وبعد هو يدفع.. واذا طلعنا ويا بعض وبغيت اخذ شي حق عمري بعد هو يدفع.. بس اذا كنت طالعة ويا اهلي والا رايحة الصالون ادفع بروحي من راتبي.. يعني 90 بالمية هو يدفع كل شي لانه اغلب طلعاتي وياه.. والحمدلله مب مقصر وما ناقشنا ابد موضوع المصروف.. ولا قد مرة طلبت منه بيزات
انا اظن انه ما فيه قاعدة بهالشي.. لانه هالشي يعتمد على الريال وطريقة صرفه وراتبه..
يعني مثلا اذا ريلج يتم على الحديدة اخر الشهر وانتي موظفة وييون البنات يقولون لج لا والله لازم ما تصرفين من بيزاتج هذا الشي غلط.. طبعا لازم تساعدينه اذا كان يستاهل..
اما اذا كان الريال استغلالي وداخل على طمع اكيد لازم تتصرفين معاه بطريقة مختلفة تماما..
يعني كل وحدة حسب طبع زوجها وحسب بعد وضعه المادي.. ما فيه قاعدة بالموضوع
هلا فيج اختي
1- عن نفسي شخصيا بو العيال مخلي مصروف للبيت
و انا متفقة وياه بعد ما شغلت مخي و اقنعته بطريقة حلوة
يخليه في ظرف شامل كل شي
( فواتير البيت و النت و التلفون و الكهرباء و الماي و رووشن البيت )
كلما نشتري شي او هو يشتري ناخذ من ها الظرف و يوم هو مب موجود يعطيني الظرف و مرات ينقص و اوفر منه وايييد و احطهم ع صوب
2- كوني موظفة وما علي التزامات بصراحة
ما اخذ مصروف شهري لنفسي
بس اتفقت وياه يعطيني 1500 درهم و احطهم بحساب خاص ،،
مثلا نستخدمه ف وقت الحاجة القصوى فقط مثلا ( نبغي نسافر نستانس ما عندنا فلوس- نبغي نحجز ليلة في فندق – نبغي نشتري اثاث للبيت …الخ)
و يوم اطلع وياه و اشتري لي شي هو يدفع
و اخليه يوقف صوب الكاشير و اوقف وراه <<< ههههههه
ولو طلعت بروحي ادفع حق اغراضي
يعني ما تفرق وياي وااايد
بس يوم هو معاي خلاص الدفع عليه و من تعودينه بيتعود ع ها الشي
مع انه يتم ع الحديدة مو مشكلة عندي
بس ايمع له من الصوب الثاني بصراحة
و طريقتي واييييييييد حلوة من اتبعتها يمعت مبالغ حلوة ع صوب
سبحان الله وبحمده
المشاركة الأصلية كتبت بواسطة USA Online 
وياج
المشاركة الأصلية كتبت بواسطة عنقاشة كاشخة انا اظن انه ما فيه قاعدة بهالشي.. لانه هالشي يعتمد على الريال وطريقة صرفه وراتبه..
يعني مثلا اذا ريلج يتم على الحديدة اخر الشهر وانتي موظفة وييون البنات يقولون لج لا والله لازم ما تصرفين من بيزاتج هذا الشي غلط.. طبعا لازم تساعدينه اذا كان يستاهل..
اما اذا كان الريال استغلالي وداخل على طمع اكيد لازم تتصرفين معاه بطريقة مختلفة تماما..
يعني كل وحدة حسب طبع زوجها وحسب بعد وضعه المادي.. ما فيه قاعدة بالموضوع
مثلنا تقريبا بس هالشي ما ساعدنا ان احنا نوفر شي
لهذا السبب انا طرحت الموضوع ..
طريقة الصرف تساعدنا ان احنا نوفر شي للزمن على قولتهم
وريلي من النوع الي وايد يفكر في هالموضوع ودوم يتشاور وياي عن طريقة زينه للتوفير
مشكوره