غالياتي شو اخبار تجهيزاتكم للعيد … خلصتو ولا بعدكم … اللي خلصت يا حظها والي بعدها ربي يعينها …. انا عني خذت جلابيات كويتيه رووووووووووعه من حرمه من بوظبي … صراحه جلابياتها فاشن وروعه … حبيت افيدكم والي تبى رقم الحرمه بيوصلها عالخاص وفااااااااااااااالكم طيب
انا فصلتلي فستان سييييييمبل وبسيط
وفصلتلي طقم عباه وشيله
باقي عزج الله الشووز .. وابا شنطه راقيه .. وبعدين اخذ كناديري من الخياط لعقب العيد .. باخذلي اكسسوار للشعر
مممممممممممم واذا تذكرت شي بخبرج
ليحين ماخذت شي 
اانا سويت لي مغربية هادية
وطقم عباه وتام لي النعال عزج الله
وجنظة و الاكسسوار
و ولدي لين اللحين ما سويته له شي
الله يعينا ع الدوارة وزحمة الشوارع في رمضان ……..
أنا خلصت الحمدالله
أنا خذتلي لبسه من عند رنا الجوري وخذيتلي 3 شناط ونعله ولبس حوامل من بانكوك وخورت من الشارجه وخذت جلاليب حق البيت من الهند وباقلي أشياء بسيطه وعيالي شريتلهم بدلات من الغرير ومن بانكون وولدي فصلتله 6 قنادير من غير البدل وباقي فستان البنوته اللي مب عارفه شو ألبسها ومن وين أشتريلها …. ورحت تيجان وشفت أشياء روعه بس ترددت وايد ….. لأن الفستان وايد نافش وبنتي عمرها سنه وضعيفونه ….
وصح نسيت أقوللكم فصلت طقم عباء وشيله بـ 2400 أعتقد من عند أوفال والله روعه شغله ومتعوب عليه وشي يفتح النفس وطقمين من فيرس جويس وعباء ساده ….. تدرون العيال وبهدلتهم ماشاءالله كل يوم لازم عباء ….
ةلقيت طقم عباء وشيله روعه عند تيجان بـ 3800 … بس قلت حرام من أول لبسه بيتبهدل الطقم من كتاكيتي وما فصلتها
أنا لأول مرة اتم لين هالوقت .. بعدي ما خلصت أغراض العيد …….