شو احسن مدرسة ليوا ولا الظفرة ولا .

بنات انا بنتي الحين صف اول في مدرسة الصفوة في العين اهي حلوه ما شاء الله في القران وااايد يركزون على حفظ القران ويعلمون الاولاد اشياء حلوة من سنة الرسول وادعيه واشياء وااايد بس اللي مش عاجبنالانجليزي احس مايركزون وااايد فالحين انا محتارة بنتي بتروح كجي 1 وابا اخلي البنات كلهن مدرسه وحده ان شاء الله فاحترت بين ليوا وبين الظفرة ومش هاين احول بنتي اللي صف الاول من مدرسة الصفوة لانهم يهتمون بحفظ القران شو تنصحووني

الغالية .. أنا عيالي في مدرسة الظفرة

وبعدين يعلمونهم القرأن والأحاديث والأدعية ..

اسفة يالغلا انا من بوظبي

بس بستفسر لج من بنات عمتيه و فالج طيب

شو المنهاج إلا يأخذونه في الظفره وليوا وكيف نوعية الدراسه ؟وهل البنات مع الاولاد في فصل واحد وإلا وإذا بغيت ادخل اخويه في إحدى المدرستين لازم يسولهم مقابلة وإلا عادي بس اسجله ويدخل بدون مقابلة.

حبيبتي ليوا والضفره روووعه لكن الصفوه خرطي
تدريسهم خرطي والاداره خرطي ماشي نظام ولا ………….. شو اقول ولا اخلي المهم ليوا والضفره والاتحاد الوطنيه ممتازااااااااااااااااات

بس إلا اعرفه إن التسجيل في الظفره وليوا خلص ما شيء مقاعد الوالد اليوم راح يسجل اخويه وما لقى.

بالنسبة لي انا سجلت عيالي اثنين في ليوا .. بصراحه عجبتني من كل النواحي .. بالنسبة للي بيروح KG1 ما سووله مقابله ولا امتحان على طول سجلته اما بالنسبة للي بيروح KG2 هذا سووله امتحان بسيط والحمدلله اجتازه فديته .. اما بالنسبة للفصل بين الاولاد والبنات فبيكون من الصف الرابع ان شاء الله وبالنسبه للقران فهم مسوين حلقه قران كل سبت يحفظون العيال هذا غير السور القصيره والاحاديث والادعية اللي يعلمونهم اياها خلال الدراسه .. اما بالنسبة للانجليزي توب توب توب وما عليهم كلام بصراحه .. وكمبنى نظيف وراقي ومغطايه عن الشمس .. وفي ساحه المدرسه فارشيلهم شي على الارض بحيث وهم يلعبون لو طاحوا ما يتعورون .. وبيسوون لهم مسبح عالسنه اليديده ان شاء الله .. وعندهم عياده وفيها نيرس .. وعندهم كافتيريا للاكل وطبعا لازم تييبلهم اكل من البيت لكن بدون شوكليت او شيبس .. وبالنسبة للمنهج امريكي وبريطاني ..

اعرف اني طولت عليج .. بس حبيت اجاوبج عن كل الاستفسارات اللي ممكن تكون عندج .. واذا بغيتي اي شي انا حاضرة عن ليوا او الظفرة