بنات … ما عرف كيف أبدأ الموضوع … قدمت على وظايف وايد …
والقبول كله يظهر لي في دبي … بس للأسف الوالد ما يقبل .. دوم حجته
الشوارع زحمة …. فليش كل هالتعب علشان 9 أو 10 آلاف يلسي فالبيت
أحسن … ما عرف كم يريد يعطوني …. مليون درهم
كيف اقنعه مب عارفه … لازم احصل شغل في عيمان والا الشارجه
وغيرهن ما يقبل … شو أسوي ؟؟؟
التربية وما ظهر اسمي وياهم … مع اني من الأوائل …
قدمت على وزارة العمل … وعديت مقابلة اختبار الشخصية …. وفي المقابلة
الشفوية … وبكل وقاحه العالم المدير يرفض يسوي لي مقابلة ….
ويقول لي … انت تكسرين الخاطر … حرام اقبل انج تشتغلين على كاونتر
والمراجعين هنود … قلت له انا راضيه ومشوار الألف ميل يبدأ بخطوة … بس ما رضى ……. حرمني من حقي في المقابلة … على أي أساس يشوف اني
ما أناسب الوظيفة …وهو رفض يسألني …
شو أسوي ؟؟؟ اكتب من القهر والضيج اللي فيني ..
المهم …….. محصلة وظيفة في بوظبي .. وبراتب ممتاز بعد … والوالد موافق
بس المشكلة اني ماريد أروح بوظبي وابتعد عن أهلي وأعيش مع أخوي
ما قدر احس اني بموت .. بس مب عارفه شو اسوي ..
فكرت اتصل على الوزير علي عيد الله الكعبي ….. وأخبره عن اللي صار فيني
بس تتوقعون بيسوي لي شي …
والا أتوكل على ربنا وأقبل اشتغل في بوظبي واعيش مع أخوي …
والا كيف اقنع الوالد أنه يوافق على شغلي في دبي ..
مب عارفه ضايعة ومحتاره … وحرام فرص وايد ضاعت مني …
بس ما اقول غير الحمد لله على كل حال …………..
وينكن
اقبلي في بوظبي
المعاش اكيد بيكون مرتفع
نحن نتمنى وظيفه هني وانتي ماتبين !!!
وهي فتره وبتتعودين صدقيني ….
وبعدين فالويكند بتردين ..
ومرات اهلج بيونكم انتي واخوج..
ما بتحسين ان شاء الله بشي ..
توكلي على الله
وحسبي الله عليه من مدير …
المشاركة الأصلية كتبت بواسطة missuae3003 
المعاش اكيد بيكون مرتفع
نحن نتمنى وظيفه هني وانتي ماتبين !!!
وهي فتره وبتتعودين صدقيني ….
توكلي على الله
وحسبي الله عليه من مدير …
تسلمين الغالية مرورج اسعدني
حبووووووبه صدقه الوالد دبي زحمه شو بوعيييج صبح الله خييير وترا الزحمه اتيب الضغط وتغير نفسيتج
انا عن نفسي اذا بداوم يا عيمان او شارجه مابي دبي
واحتماال ام القيوووين ادوام فيه لانه مب زحمه انش براحتي وارقد براحتي
نصيحة أقبليها مدام أخوج هناك تيسرت الأمور ……… وعقبالي ان شاء الله أحصل فبوظبي
أختــي اولا الله يسهل امورج ويوفقج …
وعن بوظبي..>>>>يعني لو انا منج .. ما بسير وبحاول ادور ف عيمان ولا الشارجة
بتيلسيين ف بوظبي برووحج بعيد عن اهلج وخواتج << صح اخوج وياج بس غير يوم انتي متعوده ع الجو العائلي
انتي شو تخصصج؟؟؟
ما فيها شي .. رمسي الوزير … وانشاءلله يسويلج شي