السلام عليكن
خواتي أنا سرت امس معرض العروس وايد عيبني وكبير تكسرت ريولي ولا كملته ؟
شو اكثر شي عيبكن ؟
انا عيبتني وحدة عندها عبي فخمة للمناسبات من ابوظبي ؟راقيات بس للعزايم تخبلت ع عباة حمرا مفصصة ب 3600!!!!!!!!
اممممم شو عيبني بعد محل الكب كيك يمي يمي بطلب منها لحفلة بناتي!
شو المميز بعد الكاكاو والتوزيعات يمكن عشاني اتنقى اشياءغريبة لنثوربنتي بس كلهن ووايد فخمات مب مال يهال مال اعراس بس الفكرة تنفع .
طبعا العطور عند ام عوض القبيسي و جيسيكا .
خلونا نتناقش……………؟؟؟
مممممممم شفت مال الكب كيك رووووووعه واسعارها حلووه وايد بعد
ومحلات العبي جسيكا اشياءها حلووه ومس الجنت روووووووعه واسعارها رووعه بعد وممممممم ماذكر بعد
محلات الجوكليت والتوزيعات
وعيبني فستان عند مريم الشيباني
ووووو من غير عرض الازياء كان روعه
عيبنى دخون شمسه المهيرى …………. واكسسوارات اللبنايه……..بس العبئ مبالغين فيه ……. شو معنى عباءة بستة الالف ليش عاد…….. شو فيها ذهب والماس……… والله حرام
والله جنكم بتخلوني اندم عشان ما سرت
بس انشاءالله المرة الياية بسير اكيد بس متى بيكون؟؟
والله يوفج الجميع
باجر اخر يوم سيرو المعرض
منو هاي مريم الشيباني ؟؟؟؟؟؟
وللاسف ماشفتها مس الجنت شو اسعار عبيها ؟؟ ومنو تعرف هي من وين ؟؟
المعرض كان وايد حلو وكل سنة يفتح في شهر 4 تقريبا .