على العلم كان وزني 57 والحين 68
حبيبي عداي انتي بس كلي كل شي قليل الدسم والحليب نفس الشي عشان الوزن مايزيد انا مثلج اكل دايت من اول الحمل وفيني السكر عشان الوزن مايزيد وعادي ما يصير شي ::: عشان البيبي لو حجمه كبير مشكله اولا لازم قيصري ثانيا ما تقدرين تمشين من الثجل ويمكن سبب ولاده مبكره ::: انتي خديالموضوع بجديه احسن لج وللبيبي :::
والله ما اعرف
انا كل شهر يزيد وزني كيلو واحس خايفة واااااايد
حاولي تخففين من الحلويااااات وتأكلين بس فواكه
ماعندي فكره
والله يسرلج ويثبت حملج يارب
حبيبتي
مب لازم ريجيم بس حاولي تخففين من الاكلات الدسمه
وابتعدي عن المشروبات الغازية والحلويات والرز لانهم يزيدون الوزن دبل
اكيد عادي تسوين دايت ..
بس مب دايت قاسي .. وهذا لمصلحتج ..
مب حامل يعني تاكلين الدبل .. مب زين لج .. وللبيبي بعد ..
حاولي في اليوم تشربين 2 لتر ماي ..
لا تاكلين عيوش وايد .. خليها 3 مرات في الاسبوع ..
وباقي الاسبوع نوعي .. مرة مشاوي .. مرة معكرونة .. مرة ثريد مثلا ..
لا تاكلين حلويات وايد وكاكاو .. حاولي كثر ما ترومين تقللين منها لأنه ما منها فايدة ..
ابتعدي عن الفاست فود .. واذا في خاطرج مرة في الاسبوع ..
كلي فواكه وخضره ..
شربي حليب قليل الدسم مب خالي .. قليل .. ولبن
ترى كامل الدسم وقليل الدسم فيهم كالسيوم .. بس الاول فيه دسم زيادة ..
شوفي الاجانب كيف عايشين ونحن ننتفخ ونحن يالسين ..
الاجنبيات .. وطبعا مب الكل .. يحافظن على اكلهن وياكلن كل شي مفيد ..
وتلقينها في الجيم وكرشتها جدامها ..
انا ما اقوللج سوي رياضة .. بس حاولي تتحركين ..
حتى لو تمشين كل يوم في الحوي ربع ساعه ..
لأنه الزيادة المفاجئة بهالشكل مول مب زينة سواء حامل او لا ..
نحن الله يهدينا من نحمل بركننا .. لا حركة ولا بركة ..
وبإذن الله ماعليج شر