السلام عليكم يا حلوات
من كم يوم سرت القرية العالمية وطبعا كنت محطية فبالي اني امر القرية المغربية عشان اشتري حمام مغربي
المهم يوم وصلت هناك اشتريت من عندهم الحمام المغربي واستغلوا اني اطلب الحمام المغربي واقنعوني اني اشتري من عندهم مجموعة البشرة والجسم ويحليلي انا بسرعة اقتنعت خخخخ
المهم قلت اليوم خلني اجربه وطبعا اللي تبيع هناك خبرتني الطريقة
خلطت الطين المغربي ويا ماي الورد وعكر فاسي شوي وحطيتهم على ويهي وانا احطه تميت اوسوس لانه لونه كان احمر ووايد فضيع..قلت اخافه ما ينغسل
يوم ييت اغسل ايدي ما انغسلت لو شفتوا الحالة النفسية اللي كنت فيها خاصة انه باجر دوام
ويهي كان احمممممممممر واللون فضيع
المهم ما خليت غسول ما استخدمته ..عقب استخدمت الصابونة المشترتنها من عندهم ويالله يالله طار اللون..قلت هذا وانا غسلته على طول لو كنت حطيته فترة كيف بيكون ويهي
سؤالي عكر فاسي مثل النيلة ؟؟؟؟؟؟؟
وهل هي تسوي لون ويطير بالصابونة ..ع فكرة ما حطيت منه وايد ..شوي بس
وشو فايدته
اللي عندها خبرة تخبرنا
نسيت اخبركم عقب ما غسلت ويهي بالصابونة جف وايد
ما اعرفه بس اقرا عنه في المنتدى
مادري والله انشالله البنات يفيدونج
سمعت عنه بس ما استخدمته ،،،
حطي ع شفايفج ..
للرفع
اللي اعرفه انه وايد لونه قوي
عندي اياه بس ما استخدمته لين الحين
و اللي اعرفه انه ينخلط مع ماي الورد .. شوي بس .. ذرة بسيطة و تخلطينه ويا كمية الماي اللي تبينها لويهج " تقريبا فنيان "
و تحطينه
لكن ما تفيجت استخدمه
فعلا ما دام لونه قوي جي و ما يخوز بجربه للشفايف