السلام عليكم و رحمة الله و بركاته
اشحالكن ؟!! عندي موضوع صغير أبا مشورتكم فيه
شو تقترحون علي !!!
أنا متزوجة صار لي الحين 4 شهور تقريبا .. تخرجت من شهر و طلعت لي وظيفة و الحمد لله
من 3 أيام حسيت بدوخة و لوعه .. عرفت أني حامل .. و امس سرت للدكتورة قالت لي مبروك انتي حامل 3 أسابيع و اللي في بطنج تووووأم
حسيت بفرحه عجيبة و طول الدرب أنا وريلي نتناقش انخبر الأهل ولا نتريا ..
المهم اليوم أنا وريلي نتناقش عن سالفة الدوام لان قالو لي تعالي ابدي الشغل الشهر الياي بعد العيد ..
ريلي أقول لي مب لازم تشتغلين و أنا بصرف عليكم اهم شئ راحتج.. ورانا توأم و حمل و عبااااالة و أكيد بتعبين …
ألحين يا بنات .. ماعرف اشتغل ولا أليس في البيت ؟!!
أستخيري حبيبتي أولا وأخيرا
وحقيقة الأمومة أهم من الشغل و الفلوس تروح وترجع بس مسئلة الحمل تحتاج قوتك وطاقتك الله يكمل لك علي كل خير
ماشاءاالله تؤام
نصيحه لا تقولون لحد اللحين خصوصا انه تؤأم وبيقولون اول واحد وتؤام وبعدج 3 اسابيع
الله يثبت حملج ويكتبلج اللي فيه الخير
ممم
بخصوص الوظيفه احس بتتعبين لان بيبدا الوحام يطفش فيج وعقب الوظيفه غير عن دوام الدراسه ماتقدرين تغيبين وايد
استخيري والله بيكتب لج اللي فيه خير انشااءالله
اختي حبيبتي استخيري وتوكلي عالله اللي رح يصير هو الخي ان شاء الله الله ييسرلك امورك
استخيري
ما خااب من استخار
والله يتمم حملج على خير
أنا من رايي تمي فالبيت مرتاحه .. دوام يديد وحمل أكيد بتتعبين وبعدين رزق اليهال بيي وياهم ان شاء الله
استخيري فديتج والله يقدم لج اللي فيه الخير
وربي يتمم حملج ع خير 
استخيري .. و الله يكتب لك الخيره يا رب 
و تقومين فالسلامة انتي و كتاكيتك يا رب