شورو علي بخصوص موضوع البشكاره وأنا وريلي

حبيت أشاوركم وآخذ رآيكن في سآلفه الخدامه وكيف أخليها ويانا فالبيت واللي فالبيت أنا وريلي بس ، وكيف يكون وضعها فالبيت ويانا ، بما انه رواحنا نحنا وماشي يهال وماشي شغل وايد ..

قبل كل شيء بخبركن عن وضعها الحينه عسب تفهمون أنا ليش محتاره ..

الحينه هي ويانا ف بيت أمي الله يطول بعمرها ودومها ويا أمايه حتى فالحجره لأنه أمايه حرمه عوده وتحتاي مجابل ، فهي دوم وياها ليل ونهار ، وويا الصغاريه حتى الفليل ترقد ويا أمايه ف حجرتها فما تحس بملل أو الوحده ،.

وفجاه الحين بيتغير عليها الوضع وتقريبا كله بتم روحها
وعلى فكره هي مالها أمان ، لأني كم مره زخيتها سارقه من بيتنا وجيه ، فيوم يكون الانسان جيه مايأمن على بيتك ويسرقك وغيره مابتكون في ثقه .. وهي تتحراني أني ماأدري بس أنا أدري وصاخه ماكلمتها فالموضوع ..

فما أعرف أنا كيف أتعامل وياها ورواحنا فالبيت ،
أنا طبعا ماباها تحتك ويانا وايد وويا ريلي وتحوط فالبيت وتاخذ راحتها ، وبعد أنا اللي أطبخ وبس هي شغلتها تنظف وتساعد

أبا أعرف اللي مرن في حالتيه كيف تعاملن وياهن وهل تخلينها روحها وجيه ولا شو نظامها بالضبط ، وابا اشوف رايكن ..

وهل تتوقعون انه هي بتمل ولا بتتقبل هالوضع ، أنا وايد أخافها تشرد أو تسوي شيء ، يعني أوسوس لأني ماأنلام ، وهي أثيوبيه وتعرفن الأثيوبيات كيف قويات وساحرات ويحبن الرياييل ..

وبعد من اللي شفته عندنا فالبيت ماأنلام ، نحن فالسنه شاردات عنا 5 بشاكير مايكملن شهرين إلا ويشردن ، خساره فيهن ايلس أعلمهن شغل البيت ويالله يالله يتعلمن وبس فوق كل ها يشردن

وهاي الحين مكمله 4 شهور بس والله مالهن أمان يخوفن وخصوصها أنها أثيوبيه ، وبعد ف نفس الوقت مابا اخسرها لأنه هاليومين الناس مب محصله بشاكير شرات الناس كلهن لوث وفيهن علل

يلا شورن علي وقولولي رايكن