السلام عليكم خواتي أبغي رايكن في موضوع هو شو شعورج يوم يتقدم لج واحد وبعدالملجه تشوفنه شو شعورج يكون عني أنا أااااااااه تميت أصيح أترج أخوي ونسيبي ماب أشوفه مااااااااااب غصب دخولني أول موضوع عن قناة الجزيره بس وعقب خلوني بروحي محد معاي موووووول وأنا أنتفظ وريال نش من مكانه ويا يعطيني تلفون والبطاقه والله العظيم تيبست مكاني من الخوف زين ………… وليلة الدخله أختكم قافله الباب الحجره ومخليه المعرس في الصاله يرقد والله العظيم مواقف عمرها ماتنسي أبغي رايكن بنات ومتزوجات وكل وحده تعبر بلي في خاطرها .
ارتقى بردودك
الله ييسر أموركم ^_^
هههههههههههههههه
يحليلج ووالله
بعدني مخطووبه ^^
عاد انا موقفي غييييييييييييييير عنج
في الملجة اول ما يا المليج وملجو وخلصو عقب ابوي ياب المعرس عندي في الصالة وانا قافطة مووووووووووووول اما يوم الحفلة يوم بغوو يطلعوني للناس تميت اصيح واقرا آية الكرسي ومرت اخوي الله يجزيها الخير تقولي خذي نفس شهيق وزفير الين ما طلعت
وانعاد معاي في ليلة الحنة نفس الموال
اما ليلة الزفة ياالله قلبكم بيعوركم علي اتخيلو شو ستوى فيني
الوقت كان الصبح وبتيني الدورة طبعاً من الخوف وانا آخذ حبوب بروفين والالم ما يروح تميت ارجع كله دم وحالتي خلاص احس اني بموت وودوني المستشفى وسبحان الله كل ما يحطون لي المغذي يطلع من ايدي وينطش الدم وكأن المكان بينفجر وتمو يحاولون الين ستوى المهم من خلصنا من المستشفى لازم اسير الصالون عشان احف ويهي ودوني الصالون وانا طايحة على الكرسي وهم يشتغلون فيني والناس الي في الصالون والموظفات كلهم مستغربين من حالتي وطبعاً اهلي في الدرجة الاولى خايفين كيف بطلع للمعازيم بهاي الحالة المهم بعدين خلصنا من الصالون ورجعنا البيت وانا اذا طاح شئ في بطني اطيح عليهم المهم اتسبحت وسرت القاعة عشان العرس مكياج والتجهيزات يت الي اتمكيجني واتشوفني طايحة على الفراش واهل ريلي وايد خايفين علي مكيجوني وانا طايحة وطلعت للناس وقت متأخر ينا الحين للجد قالولي يلا البسي الفستان بتطلعين الحين بدى الصياح وطبعا مرت اخوي نفس الموال شهيق وزفير وانا أقرا آية الكرسي واحصن نفسي وطلعت للناس وانا كأني ولا موجودة في الدنيا
وطبعاً ريلي ما كان يدري بالي ستوى فيني الا عقب ما رحنا البيت
الحمدلله عدا اليوم على خير بس ويهي كان وايد مرهق
اسمحيلي على الاطالة
الله يعينكم
طبعا ملقوفة
ادعولي انخطب يخ مليت من نفس الروتين كل يوم
حلوووووووووووووووو موضووووووووووووووووووووووووع
مخطووووووووبه وجريب للملجه ادعوووووووووووولي… الله يعيني