السلام عليكم خواتي
بنات انا بقولكم مشكلتي لاني الصرااااحه خلاص تعبت واتمني حد يفيدني لو بكلمه …. شعري 
شعري جااف ومتطاير وكيرلي ومتقصف 
وانا تقريبا اكثر من خمس سنوات استخدم زيوت وخلطات وكل شي واهتم فيه بس ماشي فاايده …واخاف باجر لاعرست ينش ريلي من الرقاد ويشوف شمس الشموسه راقده حذاله يشرد من البيت …
وبنات انا سمعت ف الكيراتين المعالج بس اخاف منه لو سويته مره يضيع كل شي سويته ويرد اسووء واسووء !!
قلت لو في علاج باعشاب او اي شي بلييييز حد يفيدني …اللي جربت زيت او خلطه وفادها ببليز تفيدني عساه ف ميزان حسناتها
انا من العين لو احد يعرف صالون اًووك يعالج المصيبه اللي عندي !!
والله اانا انصحج اتدورين لج صالون وعند وحده خبيره واتعالج شعرج واتشوفين الحل حتى لو قالت لج استخدمي زيوت أو هي عطتج اسم زيت معين مره ثانيه يعني مثلا صالون VLCC عندهم زيوت ومساج وكيراتين وكل شى ابدي أول شى بالرخيص والي مايكلف واذا ماشى فايده ابدي بجلسات ثانيه بس خليج مع وحده اتسوي شعرج يعني لاتتنقلين من حرمه ل حرمه عشان اتكون فاهمه المشكله عدل واتابع النتائج معاج
الحمدلله
داومي ع زيت معين مثل براشوت انا عن نفسي جربت زيوت من وحده وحلوه وايد صدق اتطول واتكثف. وميزته اتعم وايد مع اني ماريده ينعم. بس الحمدالله نتايجه طيبه. انتي قصي المنتقصف وخذي حبوب كبد الحوت حلوو للشعر والبشره. وبالتوفيق
جربي اعشاب الجوهره وحبوب اوميغا3بالتوفيق
الغلا إذا كنتي من العين ليش ماتسيرين لصالون غاردينيا إلي عدال مستشفى النور المتخصص فكورسات علاج تساقط وإنبات الشعر … أنا مسوية عندهم وربيعتي بعد
بس خلهم يفحصون شعرج قبل ولو تبين نصيحتي قبل لتشتركين معاهم فالكورس يربي مرة ولو اوكيه اشتركي
في زيت فالصيدلية نسيت اسمة بس لونة اخضر وايد زين ماشاءالله
حاولي دوم تستشورينه وحطي ع راسج شيلة قطن بيهدا الوضع شوي
^_^