طبعا من العنوان عرفتو المشكله ! ويمكن انطرح هالموضوع
وايييد !!لكن شو أسوي والله إني قصيت شعري مثل ما قالولي لين تحت شحمة أذني عشان يغلظ لاهو غلظ ولا حتى طول وأنا متندمه واااايد
قصيت شعري من العام في آخر رمضان والله ما طول إلا إنشين بالضبط !! واشوف الناس اللي يقصوون شعرهم ما شا الله لا حول ولا قوة إلا بالله ! في فترة شهر وشهرين يطول ويقصون وفي كل كم من شهر يطلعون بلوك يديد واستايل أيدد !!لكن أنا ذيل الفار يوم يطول بطلوع الروح !!!!لا خليت نارييييل طبيعي يايبنه الدريول ماشتنه أمه ومفورتنه ومسويتنه خصوصا حقي يوم أحطه لي ولبناتي من حلات ريحته بتاكلينه !فاد البنات وأنا تميت قرعه قرعه أم الديج! قمت أسوي حمام كريم في الصالون وما أغسله أقيل به عشان شعري يستفيد منه أكبر وقت !!على فكره أنا أرضع وآخذ كليسيوم وحديد فيتامين إي وأي
شو أسوي عشان يغلظ شعري أفطم الولد هو كمل سنه و3 أشهر فديته ما يهون عليه لكن بصلع باقلي شوي ريلي بيطلقني شكلي مب حلو مووول إلحقو علي ….فيدوني يرحم الله والديكم
الله يبعد عنج الطلاق إنشااااء الله .. مب زين جي تقولين ؟
بس ليش ما تسويين حمامات زيت وتدهنينه .. إنشااء الله بيغلظ بس أنتي أهتمي فيه شوي ..
وإذا حسيتي أنه يطيح بدرجه مب طبيعيه سيري الدختر ..
مشكوره يا مسطره فديت قلبج
أحلى ما في الحرمه شعرها تخيلي حرمه جميييييله بس شعرها حبتين !!!
الحمدلله على كل حال الصبر زين بس المعاير مب زين وخصوصا من ريلج
ما قصرت ع النصيحه؟؟
اختي ياليت تاخذين فيتامينات خاصه للشعر وايد انواع بالسوق
ولازم تسوين تحاليل دم توضح شاللي ينقصج بالضبط واذا ماظهر عندج نقص ممكن يكون من الهرومات وخاصه انج ترضعين ممكن يتحسن عقب ماتوقفين رضاعه
وبصراحه سالفة الزيوت والكريمات تنعم الشعر بس ماتزيد الشعر ولاتطوله 
ان كان شعرج يتساقط وايد موجود دوا بالصيدليات يوقف التساقط و يزيد نمو الشعر الجديد اسمه Regainهذا افضل دوا للشعر ظهر من سنين مشكلته غالي شوي ومن توقفينه يتساقط مره ثانيه
اختي تطمني اذا هالمشكله مب وراثيه بالعائله غالبا يتحسن شعرج مع الفيتامينات بعد ماتوقفين رضاعه ولو وراثيه موجود وايد حلول لزراعة الشعر من غير الم وخاصه للشعر الخفيف في مقدمة الراس
المشاركة الأصلية كتبت بواسطة UAEcat 
ولازم تسوين تحاليل دم توضح شاللي ينقصج بالضبط واذا ماظهر عندج نقص ممكن يكون من الهرومات وخاصه انج ترضعين ممكن يتحسن عقب ماتوقفين رضاعه
وبصراحه سالفة الزيوت والكريمات تنعم الشعر بس ماتزيد الشعر ولاتطوله
ان كان شعرج يتساقط وايد موجود دوا بالصيدليات يوقف التساقط و يزيد نمو الشعر الجديد اسمه Regainهذا افضل دوا للشعر ظهر من سنين مشكلته غالي شوي ومن توقفينه يتساقط مره ثانيه
اختي تطمني اذا هالمشكله مب وراثيه بالعائله غالبا يتحسن شعرج مع الفيتامينات بعد ماتوقفين رضاعه ولو وراثيه موجود وايد حلول لزراعة الشعر من غير الم وخاصه للشعر الخفيف في مقدمة الراس
كلامج حلو واللي يشجعني ع الفطام وإن الولد في حساسيه وما خليت دوا له ويمكن من حليبي !!!!وانا ماشيه ع الفيتامينات من المستشفى بعد ما سويت تحاليل خلاااااص أنا قررت…
مشكوره الغاليه لا خليت منج
ع فكرة التفكير يخلي الشعر يتساقط وانتي اذا بتاخذين شي لازم تيقنين انه بيفيدج لأنه نص العلاج ومثل ما قالوا خواتي زيتيه ولا تفكرين واااااااااايد بس انصحج بزيت الخروع وااااايد زين للشعر يغلظه انا مجربتنه بس ما استمريت عليه لأني جامعية وما أقدر اسويه دوم …
المشاركة الأصلية كتبت بواسطة 7o0ori صح ختيه أفكر في العيال ودراستهم وأمراضهم وغيرها من امور الحياه شو نسوي بعد هاي سنة الحياه ما قدر استوي ام بارده وعشاني وايد أعصب وأربي عيالي بروحي لأن أبوهم يشتغل ع الحدود ويينا آخر الأسبوع وساعات في عز دوام العيال يعني حياتي متلخبطه والحمد لله
مشكوره الغاليه ما قصرتي