السلام عليكم بنات انا قبل قد حطيت موضوع عن تجربتي مع شد البطن بكل تفاصيلها وهذا كان سنة 2024 والحين بعد ثلاث سنين من العمليه اقولكن الحمد الله مافي اثار جانبيه ولا شي الحمد الله النتيجه وايد حلوه والحين انا حامل ولا احس انها اثرت عليه وبطني ما كبر وايد قدني في الشهر السادس وافكر بعدني احمل مرتين بعد وارد اسويها مره ثانيه لاني اول مره سويتها كنت مطلقه من سنتين والحين الحمد الله تزوجت من 6 شهور وصراحه يوم عرسي كان خصري وايد حلو ولالي بطن كاني ماقد حملت قبل حتى ريلي ما خبرته اني سويت عملية شد لبطني مسكين مستانس يقول خصرج يجننن ههههههههه واللي عانت مثلي قبل من بطن مترهل اقولها لا تترددين ابدا وسويها راح تتغير حياتج وتثقين في نفسج حتى خاواتي كانن معارضات قبل لا اسويها الحين يريدن يسونها عقب ما يخلصن حمل والله يوفق الجميع
أنا عن نفسي خوافه ههههه
الله يعطيج الصحه والعافيه حبيبتي
مبرووووووووووووك
حبووبة جم سنة بين عمليتج و حملج
افكر اسويها بس ابغي احمل عقب سنتين ! احس ما ينفع جي ههههههههه
عند اي دكتورة ما خبرتينا
ثلاث سنين في كوزمسيرج سويتها اذا بتحملين قريب خلصي بعدين سويها عشان اتم النتيجه ع طول
بييب عيالي بعدين بسويها الفكرررة معششه براسي وشكل بطني يلوع بالجبد مع اني رشيقه وزني وايد نازل بس البطن شكله يعععع
ما شاء الله ، الوحدة عقب ما تكتفي من العيال تسويهاا ^_^