السلام عليكم ورحمه الله وبركاته خواتي ربي يجزيكم كل خير ويوفقكم دنيا واخره انا كان معاي اول موعد مع الدكتور وليد ويوم سرت قالو ماموجود بس بتقابلنا دكتوره وسالت كمن سوال وخذو فحص دم وعقب قالو تعالو الاسبوع اللي بعده بيقابلكم الدكتور وبعد سرنا مره وشفنا الدكتور وسولف معانا اشوي وقال مره فحص دم وقال مق ريلي ايروح عياده وايب تقارير عن حالته مع دكتور فالعين وهالدكتور طبعا نفس الشي مواعيد وجي وحسيت المشوار وايد طويل انتو جي سو لكم ؟؟؟؟؟؟زين انا سمعت من الاخوات انه ايسون فحص سونار ثاني يوم الدوره وانا دورتي جربت عالاسبوع الياي بس مب عارفه كيف انا لازم اتصل واحجز موعد حق السونار ولا لازم ريلي يخلص قبل وبعدين انا ابدى لاني اذا تاخرت الحين بضطر اتريا لين اخر8 للعلم يعني ماادري كيف الدكتور ماقال غير اول بندى فزوجج وبعدين بيبدون معي عادي انا اسوي فحصوصات وريلي ماسوى العمليه ولا اتصل اتستفسر من الدكتور ولا اتصل حق منو وربي يرزق كل محرومه بالذريه الصالحه والسموحه طولت عليكم 
ما عندي فكره حبيبتي الله يوفقج في أمورج ولا تستعيلين ان شاء خير
المشاركة الأصلية كتبت بواسطة غرام عسكري 
مشكوره الغاليه بس مااصدق على الله متى ابدا العلاج والله يوفق الجميع
الغالية لازم زوجج يعطيهم تقرير عن حالة السائل المنوي عنده يعني ييب من دكتور فحص السائل ماله وبعدين عقب مايعطيهم التقرير هذا يسير يسوي تحليل دم خلو ضد الكبد الوبائي
وبعدين يي دورج تحجزين موعد عاد ان شا الله تحصلين لان زحمة عندهم وهم عادة يطولون والصبر ضروري للي يسير عيادتهم لانه عيادتهم مب عودة وايد وعدد غرف الفحص قليلة وحتى الطاقم الطبي عندهم
المهم تسيرين تحجزين موعد ثاني يوم دورة
واذا مالقيتي موعد سيري لهم من الساعة ثمان المسا وتريي بدون موعد انا جي سويت ثاني يوم الدورة ييت بدون موعد بس صراحة ترييت فوق الساعتين وشي
الله يرزقج الغالية وهذي الامور يبالها صبر وطولة بال لا تستعيلين والله يرزقج الذرية الصالحة ياربي
الدكتور وليد ممتاز جدا وعنده شهادات تكريم وجوايز دولية الله يوفقه انسان قمة في الرقي والادب
هلافديتج ام محمد ماقصرتي لكن ريلي مرتين يسوي فحص دم مع للدكتور وليد والمره الثالثه مع الدكتور الثاني لكن كيف بخصوص فحص السونار لازم اتريا ريلي يسوي العمليه ولاعادي ااسويه
هلا اختي امرأة عملية شو بيسويها ريلج؟
هم ياخذون اكثر عن مرة فحص الدم اظني بس انتي السونار بيسوونه حقج ثاني يوم دورة عشان يتأكد الدكتور من حركة الاباضة ومسيرها للعلاج
هلا الغاليه عمليه سحب الحيوانات وايد ماشاءالله ياخذون دم ليش جي قبل ست وعقب ثمان غراش وعقب ثلاث بس فديتج انامحد قالي عن السونار بس خبروني الاخوات اللي عالجو وانادورتي الاسبوع الياي يعني انا لازم احجز واتصل موعد ولااترياهم