سندويشات التوست (ليش ماتضبط عندي؟)

انا وااايد يعيبني شكل سندويشات التوست بس ما يضبط عندي!!

شوفوا هالموضوع ل ذات النطاقين،،

http://forum.uaewomen.net/showthread.php?t=1066095

التوست يوم اقليه يتشرب الزيت مع اني احطه والزيت حااار بس يتشرب الزيت وايد وماينتفخ..

ف كيف اقدر اقصه من النص واحشيه اذا هو اصلا ما يضبط عندي وقت القلي،،
واحس انه يتشرب البيض وايد ويستوي صعب اشيله ويخلص البيض بسرعه فاستخدم عادي اربع ل ست بيضات علشان كم حبه ..!

وين الخطا؟؟ وكيف احشيه؟؟ والا احط قطعتين فوق بعض..؟؟؟

فخاااطري بس ما يضبط عندي..

وبعد سؤال ..، اذا ابغي اسوي عجينه واحطها بالفرن ك سندويش .. احس تيبس عندي العجينه في الفرن وماتنفع للسندويشات .. فهمتوا علي؟
شفت طريقه نخبز السندويشات بروحنا ونحشيها بس ماضبطت وياي بعد..
ما ادري وين المشكله…….

صدج مثل ما قالت اختيه اللي قبلي هي تحط خبزتين فوق بعض وتفردهم بالنشابه

وحاولي تضغطين عليهن شوي عسب ما تفتح عندج يوم تقليهن

عن البيض لا تغرقينه يا دوب اتحطينه شوي وعلى طول تشلينه

انا احط صوب وعقب احط الصوب الثاني وعثب احطه بالبقسم

وتشريب الزيت يمكن تكون الخبزه غليظه وما رقيتيها عدل لان كل ما كانت رفيعه كل ما كانت احسن

وما تشرب زيت

سؤالج الثاني ما اعرف كيف عينتج افضل عيينه للفطاير والسندويشات واللي دوم معتمدتنها هي عجينة لعشر دقايق

خفيفه وسريعه وحلوة بنفس الوقت دوريها بالنت وشوفي طريقتها

ان شاء الله اكون فدتج بهالتقرير المطول هههه

سوري عالاطاله

من يومين كآن بخآطري اسويه وآشتريت التوست وعقب ترآجعت مشكلة المزآج :/

المهم , مثل مآقآلت لج الآخت اللي فوقي , لآزم تحطين حبتين فوق بعض وعقب تفردينهم

ولو بغيتي طرق آكثر عن هآلسندويشآت آكتبي فـ قوقل جيب التآجر , وفيه طرق وآيده بتفيدج

تسلمين فديتج ع الشرح

اها يعني السالفه حبتين فوق بعض .. وانا اقول كيف تنتفخ.. وكنت احط وحده وحده وما افردها عدل…. مال بسرعه بسرعه..

خلاص الحين فهمت الطريقه وبجربها باجر وبشوووف

ان شاء الله اضبطها..

وعجينه العشر دقايق الكل يمدحها،، بس ماقد جربتها، بسويها اليوم وبشوف النتيجه